1I taotaona nanou ni kaantaninga te Atua b'a E na kamaiuai;
Ti Ngaia mwiokoni maiu.
2Ti Ngaia katanau ao buokau;
Ngaia ae kamanoai,
ao N na aki kona n taenikai.
3Ai ti maanraa ngkami n eekaanako te aomata
ae akea riki korakorana nakon te o ae e a ei nako b'a e nangi b'aka?
4Kam ti kani kab'aka mani nena ni karineaki;
A maiu nanomi n te kewekewe.
Kam taetae ni kakab'aia te aomata,
ma kam karereantia i nanomi.
5Ti te Atua mwiokoni maiu,
Ao e tiku au kaantaninga i rouna.
6Ti Ngaia katanau ao buokau,
Ngaia ae kamanoai,
N na aki kona n taenikai.
7E mena kamaiuau ma karineau iroun te Atua;
Ngaia au tabo ni kamanomano ae matoatoa,
ao nneu ni katantan.
8Kam na onimakina te Atua n taai nako, ngkami aika au aomata.
Tai toki n tuangnga ami kangaanga ni kabane,
b'a Ngaia nera ae ti rau raoi iai.
9Ai aron te ike ae ti teuana aomata nako;
Ao ti te bo aroia aika kakannato ma aika mangori n akea manenaia.
Ngkana a tauaki rawawataia, ao bon akea rawawataia;
A bebete riki nakon rawawatan angin te ike ae ti te ikena.
10Tai onimakini ami m'akuri ni bai-tabare,
Ao tai kaantaninga rekeni kab'aiami mani kurib'aiaia aomata iroumi.
Ao ngkana a rikirake kaub'aimi,
ao tai taku b'a e mena iai mwiokoni maiumi.
11E raka i aon teuana au tai n ongo ana taeka te Atua,
ngke E taetae ni kaangai, “I m'aaka,”
12ao e teimatoa au tangira.
Boni Ngkoe, te Uea, ae Ko angania aomata
n tatabemaniia nako booni mwin aia m'akuri.
Who We AreWhat We EelieveWhat We Do
2025 by iamachristian.org,Inc All rights reserved.
