2.Timoteo 1 - Kiribati New Version Bible

1Ngai ae B'auro, ae ana tia tuatua Kristo Iesu n nanon te Atua, i bukin te taeka n akoi are taekan te maiu are irouni Kristo Iesu,

2

8Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

9are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

10ma ngkai, e a kaotaki nako ira n rokon ara Tia Kamaiu are Iesu Kristo, are kamaunaa te mate, ao E kaota te maiu ma te aki-mka n te euangkerio.

11 ni karokoa te bong arei.

13Ko na tou mwin au taeka aika reirei ni koaua ake ko a tia n ongo i rou b'a te banna ae ko na kakairi iai, ao ko na teimatoa ni b'aina te onimaki ma te tangira aika kanoan arora n reitaki ma Kristo Iesu.

14Ko na kawakina te baere raoiroi are mwiokoaki i roum ni m'aakan te Tamnei are Raoiroi ae maeka i nanora.

15Ko ataiia ake a mena i Atia b'a a bane n nako ni kitanai; ao raoia naba Bukero ma Eremokene.

16E na nanoangaki ana utu Onetiboro iroun te Uea, i bukina b'a e aki toki Onetiboro ni kaungaa nanou, ao e aki mamaa ngkai I kabaeaki:

17ma ngke e mena i Rom, ao e ukoukorai ma nanona ni kan roko i rou, ao I reke i rouna.

18E na reke i rouna nanoangakina iroun te Uea n te bong arei! Ao ko bon atai arona ni kabane ake e karaoi i buku i Ebeto.