Warekaia Iteraera 29 - Kiribati New Version Bible

Karean te Toa are Taiani Bu(Nak 23.23-25)Ao E taku te UEA:

1Ni moani bongin te kaitiua n nam'akaina, ao kam na motirawa man ami m'akuri, ao kam na ikotaki ni bukamarua tangin taiani bu.

2Kam na uota temanna te kaomm'aane nakon te baonikarea, ao temanna te tiibu mm'aane ae i ikawai, itiman tiibu mm'aane aika kaka teuana aia ririki ni maiu aika akea toabuakan rab'ataia. Ao kam na anga b'a karea ake kakukureiau.

3E na kaairaki ma te kaomm'aane, onoua te rawawata te buraawa ae rangi ni mte ae renganaki ma b'aan te oriwa, b'a te karea are te uita. Kam na anga aua te rawawata te buraawa ae renganaki ma te b'aa ma te tiibu mm'aane,

4ao uoua te rawawata te buraawa ae renganaki ma te b'aa, e na riai ni kaairaki ma taian tiibu mm'aane aika ataei n tatabemaniia nako.

5Ao kam na anga naba te kooti b'a te karea ni kab'arabure.

6A na karaoaki taian karea aikai b'a raonan karea n te bong koraki ao taiani karea are i bukin moani bongin te nam'akaina. E na bon kakukureiai bubun taiani karea aikai.

Taiani Karea Ni Bongin te Kab'arabure(Nak 23.26-32)Ao E taku te UEA:

7Katebwinan bongin te kaitiua n nam'akaina boni bongin te Kab'arabure. Kam na motirawa man ami m'akuri ni kabane n te bong anne, ao kam na bootaki n taromauri. Kam na kaota nanokawakimi n aki am'am'arake,

8ao uoti nakon te baonikarea temanna te kaomm'aane ae te ataei, temanna te tiibu mm'aane ae e ikawai, ao itiman tiibu mm'aane aika kaka teuana aia ririki ni maiu, aika akea toabuakan rab'ataia. Ao kam na anga baikai b'a taiani karea ake kakukureiau.

9E na kaairaki ma te kaomm'aane, onoua te rawawata te buraawa are rangi ni mte ae renganaki ma b'aan te oriwa, b'a te karea are te uita. Ao aua te rawawata te buraawa ae renganaki ma te b'aa e na kaairaki ma te tiibu mm'aane,

10ao uoua te rawawata te buraawa ae renganaki ma te b'aa, e na kaairaki ma tatabeman te tiibu mm'aane te teei.

11E na riai ni kareanaki naba te kooti i bukin aia bure aomata. Kam na anga karea aikai i rarikin taian karea ni kab'arabure, ao karean te bong koraki. Taiani Karea n Te Toa ae M'anganikaai(Nak 23.33-44)Ao E taku te UEA:

12E na moanaki te Toa ae M'anganikaai man katebwi ma nimauan te kaitiua n nam'akaina ao n reitinako i nanon itiua te bong, ike a na bane iai aomata ni bukamarua te Toa ae M'anganikaai b'a karineau.

13Kam na motirawa man ami m'akuri ni moanibongina, ao kam na bootaki n taromauri. Uoti tengaun ma teniman kaomm'aane nakon te baonikarea, uoman tiibu mm'aane aika a ikawai, 14 tiibu mm'aane aika teuana aia ririki ni maiu, aika akea toabuakan rab'ataia. Ao kam na anga baikai b'a te karea are kakukureiau.

14E na kaairaki onoua te rawawata te buraawa are rangi ni mte ae renganaki ma te b'aa ma taiani kaomm'aane n tatabemaniia nako, b'a te karea are te uita. Ao aua te rawawata te buraawa ae renganaki ma te b'aa, e na kaairaki ma tatabeua te tiibu mm'aane,

15ao uoua te rawawata te buraawa ae renganaki ma te b'aa, e na riai ni kaairaki ma tatabeman tiibu mm'aane aika ataei.

16Ao kam riai naba n anga te kooti b'a te karea ni kab'arabure. A na kareanaki baikai b'a raon ake karean te bong koraki.

17Ao n te ka uoua ni bong kam na anga tengaun ma uoman te kao mm'aane aika ataei, uoman te tiibu m'ane, ao tengaun ma aman te tiibu te teei aika kaka teuana aia ririki aika toa raoi,

18kam na anga n reitaki ma karea ake a kainanoaki i bukin te moani bong,

19Ao n te katenua ni bong ao kam na anga tengaun ma temanna kaomm'aane aika ataei, uoman tiibu m'ane, tengaun ma aman tiibu aika ataei aika toa raoi,

20kam na anga n reitaki ma karea ake a kainanoaki i bukin te moani bong

21Ao n te kaua ni bong tengaun taian kaomm'aane aika ataei,

22uoman tiibu m'ane, tengaun ma aman tiibu aika ataei,

23aika kaka teuana aia ririki aika toa raoi,

24kam na anga n reitaki ma karea ake a kainanoaki i bukin te moani bong,

25Ao n te kanimaua ni bong kam na anga ruaman te kaomm'aane, uoman te tiibu m'ane,

26ao tengaun ma aman tiibu aika ataei ake kaka teuana aia ririki aika toa raoi,

27kam na anga n reitaki ma karea

28ake a kainanoaki i bukin te moani bong

29Ao n te kaonoua ni bong kam na anga waniman te kaomm'aane, uoman te tiibu m'ane ao tengaun ma aman tiibu aika ataei ake kaka teuana aia ririki aika toa raoi,

30kam na anga n reitaki ma karea

31ake a kainanoaki i bukin te moani bong.

32Ao n te kaitiua ni bong kam na anga itiman te kao m'ane, uoman te tiibu m'ane ao tengaun ma aman tiibu aika ataei ake kaka teuana aia ririki aika toa raoi

33Kam na anga n reitaki ma karea ake a kainanoaki i bukin te moa ni bong.

34Ao nikiran taiani karea ma angab'ai, a na bon tiku n aroia ni boong nako.

35Kam na manga motirawa riki n te kawanua ni bong, ao kam na bootaki n taromauri.

36Ao uota temanna te kaomm'aane nakon te baonikarea, temanna te tiibumm'aane ae e ikawai, ao itiman tiibu mm'aane aika kaka teuana aia ririki ni maiu, aika akea toabuakan rab'ataia. Ao kam na anga b'a taiani karea are kakukureiau.

37Ao kam na anga naba te karea are te uita ni koaua, ao te karea are te mooi te wain n tatabemaniia nako nakoia taiani man.

38Ao anga naba te kooti b'a te karea ni kab'arabure i bukiia aomata. A karaoaki baikai b'a raonan karean te bong koraki.

39Kam na riai n anga taiani karea aikai nako Iu n taai ake a tia n rineaki, n reitaki ma taiani karea ake taian anganano, ke ake i bukin kakoroan te berita.

40Ao Moote, e tuangiia aomata b'aai ni kabane ake e tuangaki iroun te UEA i bukin taiani karea.