Taian Areru 136 - Kiribati New Version Bible

Ana Tangira Te Atua

1Kam na katituaraoa te UEA, b'a E raoiroi;

b'a akea tokin ana Tangira.

2Kam na katituaraoa Atuaia atua;

b'a akea tokin ana Tangira.

3Kam na katituaraoa aia Uea uea;

b'a akea tokin ana Tangira.

4Bon ti Ngaia ae karaoi kakai aika ab'ab'aki;

b'a akea tokin ana Tangira.

5E karaoa karawa n rabakauna;

b'a akea tokin ana Tangira.

6E katea aonnaba i aon raan aika nano;

b'a akea tokin ana Tangira.

7E karaoa taai ma nam'akaina;

b'a akea tokin ana Tangira:

8E karaoa taai b'a e na oota n te ngaina;

b'a akea tokin ana tangira;

9ao nam'akaina ma itoi b'a a na oota n te bong;

b'a akea tokin ana tangira.

10E tiringiia naati m'aane ake karimoa ake natiia I-Aikubita;

b'a akea tokin ana tangira.

11E kairiia te botannaomata ae Iteraera ni kaotinakoia mai Aikubita;

b'a akea tokin ana tangira.

12E kairiia ni kaotinakoia ni m'akana ae korakora;

b'a akea tokin ana tangira.

13E bwenaua ranin Taari are Uraura;

b'a akea tokin ana tangira.

14E kairiia ana Aomata rinukana;

b'a akea tokin ana Tangira.

15Ao E kab'ab'aa uean Aikubita ma ana taanga ni buaka;

akea tokin ana Tangira.

16E kairiia ana Botannaomata ri nanon te rereua;

b'a akea tokin ana Tangira.

17E tiringiia uea aika korakora;

b'a akea tokin ana Tangira.

18E tiringiia uea aika rangi ni kinaaki;

b'a akea tokin ana Tangira.

19Temanna Taion, are aia uea taian Amoraite;

b'a akea tokin ana Tangira.

20Ao Oka are ueani Batian;

b'a akea tokin ana Tangira.

21E anai abaia b'a a na abanaki irouia ana Aomata;

b'a akea tokin ana Tangira.

22E anga nakon te botannaomata ae Iteraera, ake ana Toro;

b'a akea tokin ana Tangira.

23E aki m'anuokiniira ngke ti konaaki;

b'a akea tokin ana Tangira.

24E kamaiura mairouia aiara;

b'a akea tokin ana tangira.

25E angania b'aai aika maiu ni kabaneia kanaia;

b'a akea tokin ana Tangira.

26Kam na katituaraoa Atuani karawa;

b'a akea tokin ana Tangira.