1Ao iai uoman natin Tamuera m'aane.
2Natina are te karimoa bon Ioera, ao te karimwi bon Abiia. Ao ngke a kara Tamuera, ao e karikiia b'a taani kairiiri i Beera Teba.
3Ma a bon aki katotonga tamaia. Bon aomata ngaiia aika buakaka ao a kariaia te kamaraato i bukin te anga taian iango aika aki raoiroi.
4Ao n te bong teuana, ao a roko taani kairiiri n te botannaomata nakon Tamuera i Ram'a
5ao a taku, “Ko a boni kara. Ao ko a tia ni katea te banna ae raoiroi nakoia natim m'aane, ma a aki toua mwiina. Ao ngkai ti a tangira te uea ae na kairiira.
6Ao e b'ara nanon Tamuera ngke e ongo aia taeka taani kairiiri b'a a tangira te uea, ma ngaia are, e tataro i bukin arei.
7Ao E kaeka te UEA:
Tamuera, karaoi b'aai ni kabane akana a tangiri. B'a a bon ribaai b'a N na riki b'a aia uea.
8Ni moa man te tai are I kaotinakoia iai mai Aikubita ni karokoa te bong aei, a tia ni kiitanai n taromauri taiani bouananti, ao ngkai a manga tannako naba mai Rou.
9Karaoi b'aai ni kabane akana a bubuti, ma kauringiia ni kaota nakoia aron te uea ae na uea i aoia.
10Ao Tamuera e tuangiia aomata ake a bubuti te uea Ana taeka te UEA:
11Ngkana e reke ami uea, ao aio arona ae na karaoia nako imi. Ane na imanonoia natimi m'aane b'a a na kaaina te taanga ni buaka. Ao ane a na toka i aon taiani kanibuaka ake a katikitikaki irouia aoti, ao tabeman ane a na kaaina te taanga ni buaka ake a buaka i aoia taian aoti, ao tabeman a na biribiri i m'aain taiani kanibuaka ake a katikitikaki i rouia aoti.
12Ane a na riki tabeman b'a mataniwiia 1,000 te tautia, ao tabeman b'a mataniwiia 50 tautia. Ao tabeman naba a na unika aon aban te uea ma n taia uaana, ke ni karaoi taiani b'ainibuaka, ao b'ain nako te kanibuaka are katikitikaki irouia aoti.
13Ane a na karaoi taiani boiarara natimi aine ke ni kuukana kanana ma ni umunna.
14Ane na anai ami katawanang akana a rangi n tamaroa, n reitaki naba ma nnen arokami kureebe, ao taian oriwa ma n anganiia ana aobitia.
15Ao ane na anai naba katebwina ni m'akoro man ami uita ao kureebe ma n anganiia ana aobitia.
16Ane na anai naba ami toro ma ami rorobuaka aika raoiroi ao ami aati, ma ni karaoia b'a a na m'akuri i bukina.
17Ane na anai naba katebwina ni m'akoro man ami tiibu ma ami kooti. Ao ane kam na riki b'a ana toro te uea,
18ao ane kam na tang nakon te UEA b'a E na kamaiungkami mairoun te uea are kam tangiria. Ma E na aki kaekai ami tataro te UEA.
19Ao a aki kan ongo aomata iroun Tamuera ao a kaangai, “Ti aki, b'a ti na katotongiia botannaomata ake tabeua.
20Ti tangira te uea b'a e na tautaekaniira ma ni kairiira nakon te buaka.”
21Ao e ongora Tamuera i rouia, ao i mwiina, e a manga tuanga te UEA b'aai ni kabane ake bon taekin.
22Ao E taku te UEA, “Karaoa te b'ai are a tangiria. Karekea aia uea.”
Ao e tuangiia aomata Tamuera b'a a na okiri mwengaia.
Who We AreWhat We EelieveWhat We Do
2025 by iamachristian.org,Inc All rights reserved.
