1E a reke n te kaangaanga
te kaawa ae e buubura are Taamaria
are e mena ietan te M'arua are e maiu aona!
a koro ni manging ana taani kairiiri,
ake a kaonia n tain am'arake ma taiani wain.
Ma ane a na katotoongi taiani uee
aika a na b'ata ma n rai.
2Bon ti te UEA ae e korakora
ma ni m'aaka!
E na oroia ni kab'akaia ni baina ae e korakora
n angibuakan te karau te atiibu
ke te ukeuke n anti
ke te ieka ae e korakora.
3A bane taani manging i Eberaim ni kakatonga iroun Taamaria,
ma ane a na kamanatuaaki.
4E na waekoa ni mauna mimitongin
Taamaria are i etan te m'arua are e maiu aona.
E na kanaki nako
kaanga moan uan te biiku ae e tai
n tain te tai.
5Ngkana e roko te tai aei,
ao ane e na mimitong ana baunuea
te UEA ae moan te M'aaka
i bukiia ana Aomata ake nikira ni maiu.
6E na nooria b'a e na tautaeka te eti
ao a na konaa
ni kaawakina aia kaawa ae e buubura
ana Aomata.
A na Katuaaeaki Taani Kairiiri Aika a B'aka7A bebe waeia ibonga ma burabeti
b'a a koro ni manging.
A rangi ni mangaongao aia iango
n te aro are a aki konaa ni butim'aea ana rongorongo te Atua
ke n anga babaaire aika a raoiroi.
8E a onrake rabunan
aia taibora
ni mumutaia ae e boiraa.
9Ti te bo ngkami aika taani kairiiri aika kam manging
ma ataei aika a uarereke!
Kam na kangaa n ataa ana rongorongo te UEA
ke n reireiia aomata Ana rongorongo?
10Kam bon aki naba ongora
ma kam ti kakaauongo nakon karongoaa aika a akea nanoia aika a na okioki.
11Ma ngaia are, E na taetae te UEA
nakoia ana Aomata
ni b'anaa aika a kaokoro
ao n taeka n ianena.
12E a tia ni berita iai nakoimi
i bukin te rau ao te motirawa aika a kororaoi,
ma kam aki kan ongo.
13Ao ngkai e nang riki ana rongorongo nakoim
b'a taiani b'anaa aika akea nanoia aika a na okioki.
Ao i mwiina, ko na b'aka nako bukim,
ma ni ikoaki ao ni m'ane.
E Karekea Te Kangaanga Te B'ai ni Boraraoi Ae Te Kewe14Bon akea te b'ai ae kam karaoia
b'a ti te b'ab'ainingare;
ao ngkai kam a riai ni kakauongo
n te b'ai ae e taekinna te UEA.
15Tao kam taku b'a kam karaoa ami boraraoi ma te mate
ao aia aonnaba maate?
E aera ngkai kam onimakin ami kewe
b'a kamaiuami man te kabuanib'ai
ao te ieka ae e korakora?
16Ma ngaia are, E taku te UEA,
“I kawenea te aana ae matoatoa i bukin
te kaawa are Tion.
E kakoauaaki b'a e onimakinaki raoi
atiibun te koona ae e kakaawaki;
akea temanna ae e onimakinna
e na manga b'ara nanona.
17A na riki te eti ma te riai
b'a taiani koranikaeti
ake a na buokai ni kateana.”
Ane e na urui ma ni uotinako
katanami aika taiani kewe
karau atiibu ao taian ieka.
18Ane e na uruaki
ami boraraoi ma te mate
ao aia aonnaba maate.
Ao i mwiina, ane e na rabuningkami
naao aika a ngare ma ni b'aro.
19E na uotingkami nako
te kaarangaina, te tawanou, ao te tairiki
b'a te ieka ae e makuakua.
E na anganingkami te reirei aei
b'aai aika a riki aika a kakamaaku:
20E rangi ni uarereke am kainiwene,
ao e kimototo rabunam.
21E na buakaniia te UEA n ae e rangi ni matoatoa
n aron are e karaoia n te Maunga are Beratim
ao n te M'arua are Kibeon.
Ma n te tai aio te UEA
E na karaoa te b'ai ae e kakubanako,
ae kam aki kaantaningaia.
22Ma ngaia are, kam riai ni katoka ami b'ab'ainingare
b'a kam kaawa ni kamatoatoaa riki kabaeami
nakon are mai m'aaina.
I ongo taekan te UEA ae Moan te M'aaka
b'a e orea te aba ae b'anin
ni kamaunaa.
A Bane Rabakau N Roko Mairoun Te UEA23Kakauongo raoi
nakon te b'ai ae N na taekinna.
24A aki ti kamaraua ma n urua te tano
taani ununiki.
25A na kamaae ni kamrarai
atin te kumino aika a roroo ao kumino ake a aki roroo;
a uniki atin
te uita ma te b'aare
ni nneia ni koaua.
26A reireiniia aikai iroun te Atua.
27Ao ngke a tia n taiiaki taiani kumino aika a roro ma ake a aki roro
ao a oreaki ni kanakoaki mani kaiia,
ma a aki kamanatuaaki n taiani kaa ni b'ai aika a katikaki irouia maan.
28A oreaki taiani uita ma taiani b'aare,
ma a aki oreaki ni karokoa maenikunna;
a kamanatuaaki n taiani kaanib'ai aika a katikaki irouia maan
ma a aki rangi ni kamantaki ni kab'autaki.
29E roko te ataib'ai aei mai roun
te UEA ae Moan te M'aaka
are iai rabakauna ae moan te korakora.
Who We AreWhat We EelieveWhat We Do
2025 by iamachristian.org,Inc All rights reserved.
