Itaia 32 - Kiribati New Version Bible

E na Tautaeka te Eti

1A na tautaeka te uea

ma ana taani kairiiri ma te riai.

2A na riai n riki b'a nne ni kamaiu

man taian angibuaka,

b'a taiani karaanga n ran n te rereua,

ao te b'a ni katantan

ma ni kabuebuen taai.

3Ao ane a na bane aomata

aika iai mataia ni kaurei ma n taratara,

ao a na kakauongo raoi

aomata akana iai taningaia.

4Ao akana a nanorieta

e na reke aia tai ni iango;

ao e na eti aia taetae

akana a bae neweia.

5A nang aki rangi ni karineaki

akana a nanobaba,

ao a na aki anganaki nneia ni karineaki

akana a maiuakina te aonikai.

6A taetaekin taeka aika a nanobaba aomata aika a nanobaba.

A aki toki ni kaakaraoi babaaire

ao ni m'akuri b'aai aika a bure,

ma ni karaoa aia kewe i bukin te UEA,

ma ni kariaia b'a a na mate ni baki aika a akea kanaia,

ma n aki anga te mooi

nako ia akana a mate n taka.

7A taekina te kewe aomata aika a iowawa

a karaoi m'akuri aika a buakaka,

ao a karaoi babaaire aika a iowawa

ao a tiringiia aika a maiu ni kainano ao a tangira buokaia,

ngkana a buubuti

i bukin te eti.

8Ma aomata aika a i buobuoki

a konaa n onimakinaki n taai nako

i bukin karaoan babaaire ni buobuoki.

Katuaeakiia Ainen Ierutarem

9Ongora nakon te b'ai ae I taekinna,

ngkami aika aine

aika kam aki kuukuba

ao kam aki bwerengaki!

10Kam na aki raraoma ngkai

ma ngkana e a kaan te ririki ma ngkai

ao ane e na toki tain te kureebe,

ao ane kam na rurubenebene.

11Ruru ma ni maaku,

ngkami aine aika kam aki tarab'ai!

Buutii kunnikaimi

ao karin kunnikai aika a raeraeaki.

12Oroi b'ab'aami i bukin rawawatami

i bukin te b'ai are e riki nakon

te tawaana are e korakora uaana

ao taiani nne n aroka ni kureebe,

13ao nakon taian auti ake a kakukurei

i Ierutarem

A na onrake abaia aomata

n taian aroka aika a kateketeke.

14E na kiitanaki te bareti,

ao a na akea aomata.

Ao a na riki taian nono ma taua

b'a nneia n takaakaro n aki toki taian aati aika a aki manana

ao nnen tawaana n uteute ake kanaia tiibu.

E Karika Te Kaokoro Tamnein Te Atua

15Ngkae ti anganaki te Tamnei

mai karawa

ao a na riki b'a taian m'akoro n aba aika a on n taian aroka aika iai uaaia.

aika a nimatenten aroka iai.

16E na mari ikekei

n te raoiroi ao te eti,

17Ao ane e na kaotinakoa

te rau ao te kamanoaki ae akea tokina.

18Kam na maeka ma te rau,

kam na maeka i aan te naa ao te mwianounou,

ngkami, aika ana aomata te UEA,

19e ngae ngkana e tiribooi

taian buakonikai ma kaawa aika a buubura n taian karau atiibu.

20E na reke iroumi ana kakab'aia te Atua,

ngkana kam uniki arokami

i rarikin taiani karaanga n ran,

ngkana a bon aoriia ami aati ao ami kao

n inaomata n aiwaa.