I-Biribi Taekan te Reta Aei - Kiribati New Version Bible

Taekan te Reta AeiTe reta nakoia I-Biribi bon te reta ae e koreia B'auro nakon te ekaretia are moa n tei i aon tanon Eurobe, n te tabo ae M'aketonia, are mena i aan te tautaeka n Rom. E korea te reta aei B'auro ngke e kabureaki, ao n te tai are e aki rau iai irouia Kristian tabem'aang ake a ekianako, ao i bukin reirei aika kairua i nanon te ekaretia i Biribi. A boni ngae n riki baikai nakoni B'auro, ma bon iai te kim'areirei ma te nanomatoa ae moan te bati i rouna, are a reke i bukin onimakinan Iesu Kristo.Te b'ai are e waekoa iai B'auro ni korea te reta aei bon i bukini kaotan nanona ni kani kaitauia kaain te ekaretia i Biribi i bukin aia b'aintangira nakoina are a kanakoa b'a buokani kain nanona. Ngke e koroboki nakoia i bukin aei, ao e a kaungai naba nanoia ma ni kateimatoaia b'a a na aki b'ara n nano n te kangaanga are e a reke nakoina. E butiia b'a a na b'aina nanon Iesu are te nimamannei, ao a na aki kairaki maiuia n te kainikatonga ma te iangoia i bon i rouia. E kauringiia b'a maiuia n reitaki ma Kristo bon ana b'ai n tituaraoi te Atua are e nako man nanona n akoi, ao are e a reke i rouia i bukin aia onimaki, ma tiaki i bukin te ongeaba nakoni baika tangiraki n te Tua; ao e taekinna b'a bon te Atua ae kona n anga te kim'areirei ma te rau nakoia aika maiu n reitaki ma Kristo.E rangi ni kai kinaki te reta aei i bukin taekan te kim'areirei, te kaantaninga ae nene, te katiteuanaki, ao te nanomatoa n te onimaki ni Kristian ao n te maiu ni Kristian. E a oti naba n te reta aei aron nanoni B'auro ae e korakora i bukiia kaain te ekaretia i Biribi.Aron Teini KanoanaTaeka ni Kamauri ao te Tataro 1.1-11

Te Maiu n aron ana iango B'auro 1.12-26

Te Maiu i Nanoni Kristo 1.27—2.18

Rongorongoia Raoni B'auro 2.19-30

Te Aroaro ae Butim'aeaki iroun te Atua 3.1—4.9

B'auro ma Raona aika I-Biribi 4.10-20

Kabanea ni Kamauri 4.21-23