Taian Areru 114 - Kiribati New Version Bible

Anenen te Riao

1E kaotinakoia ana aomata te Atua

mai Aikubita, te aba

ae a iruwa n ana taetae,

2E karika Iuta b'a ana tabo ae tabu

ao e tautaeka i aon Iteraera.

3E noria Taari are Uraura ao e biri nako;

ao e toki raangan

ranin te karaanga

are te Ioretan.

4A ewewe maunga n ai aroia kooti;

a kibakiba tabuki n ai aroia tiibu aika ataei.

5Taari, tera ae riki ngke ko biri nako?

Ao ngkoe ae te Ioretan,

e aera ngke e toki ranim n raanga?

6Ngkami aika maunga ma tabuki,

e aera ngke kam ewewe n ai aroia kooti?

7Ko na ruru, ngkoe ae aonnaba,

i matan te Uea ae Atuan Iakob'a,

ngkana e a roko ni kaan

8Are onika te b'aa

b'a te neinei n ran,

ao te atibu b'a te koburakenran.