Tani Motiki-taeka Taekan te boki aei - Kiribati New Version Bible

Taekan te boki aeiE taekinaki n te boki aei “Taani Motiki-taeka” aroia Iteraera n rawa iroun te UEA, ma n taromauri bouananti. A aki toki ni kakaraoa te aro aei, ao E katuaaia te UEA ni karokoia botannaomata aika Ianena b'a a na buakaniia, ma ni kataenikaiia. Ao n tokina, a manga okira te UEA Iteraera ma ni bubutiia buokaia, ao E karekea ma n anganiia te nakoa ni kairiiri ae aranaki b'a te Tia Motiki-taeka, are e buokiia ni buakaniia aia kairiribai ma ni kataenikaiia. Ao i mwiina, e a manga taorimwiiaki n rokon te raoi, ike a manga kakaonimaki iai Iteraera nakon te UEA ngke a reke Taani Motikitaeka i rarikiia, ma i mwiina, a manga rawa nakon te UEA. A riki aron aikai irouia te botannaomata aei n te tai teuana ma teuana.Tabeman Taani Motiki-taeka a bon tia ni kaira te botannaomata ae b'anin, ao tabeman a bon ti kairiia tabeua taiani baronga i nanon te tai ae maan, ao tabeman i nanon te tai ae e uarereke. E tuai bootaki raoi n riki b'a te aba ae ti teuana Iteraera n te tai aei, ma iai kabaeakiia ae a ataia b'a a riai n taromauria te UEA n ti Ngaia, ao ngkana a aki kakaonimaki nakoina, ao E na katuaaia. I rarikina naba, a inaomata taiani baronga n tatabeua nako ni karaoa are a bon taku.A aki tautaekanaki Iteraera iroun te uea n taai aikai, ao a bane ni inaomata aomata nako ni karaoa are a bon taku b'a e eti.(21.25).Oi n iango i aon te boki aei.1. Tauan M'akoron Te Aba Irouia Kaain Iteraera (1.1-36)2. Rineaia Taani Motikitaeka Iroun Te UEA (2.1—3.6)3. Oteniera, Euta, ao Tiamka (3.7-31)4. Tebora, B'araka, ao Iaera (4.1—5.31)5. Tora, Iaira, ao Iebeta (10.1—12.7)6. Iebetan, Eron, ao Abeton (12.8-15)7. Tamton (13.1—16.31)8. Te Baronga are Taan Ma Aia Tabo N Taromauri (17.1—18.31)9. Buakanakin Te Baronga Are Beniamin (19.1—21.25)