1Kam na kanene b'anaami ni katituaraoa
te Atua ma te kakatonga, ngkami aika
aomata ni kabaneingkami.
2Kam na anenea taekan arona ae kamimii;
aika E na karineaki riki iai arana!
3Kam na kaangai nakon te Atua, “Ai kamimiira am M'akuri aika Ko karaoi!
E korakora M'aakam,
ma ngaia ae a bobaraaki aiam i m'aim b'a a makuko.
4A bane aomata nako i aonnaba n taromauriko;
A anene ni kamoamoako,
A anene ni kamoamoa aram.”
5Kaaraki, noori baika kamimii,
aika ana m'akuri te Atua i buakoia aomata.
6E kaoraa taari mani karikia b'a te aba ae m'auteretere;
A nakonako ri nanon te karaanga ara bakatibu;
Ti kukurei i rouna ngkekei i bukin ana m'akuri aika e a tia ni karaoi.
7E tautaeka n aki toki ni m'akana,
Ao E tatarataraiia botannaomata nako.
Ke a tai teirake akana rawa ni kan aantaeka i rouna n ekianako.
8Botannaomata, kam na karaoiroa Atuara;
Ke e ongo te aba ni b'anaami n nebonebo.
9E a tia ni kateimatoai maiura,
Ao E a tia ni kawakiniira b'a ti na aki b'aka.
10Te Atua, Ko a tia ni kataira b'a ti uara!
Aron te tirewa ni kaitiakaki n te ai,
ao ai bon arora naba ni kataaki b'a ti aonga n itiaki.
11Ko kairira nako nanon te b'ai ni kam'am'ane,
Ao Ko katokai baika rawaawata i aon akuura b'a uotara.
12Ko angania aiara te tokarira nako;
Ti b'ainikirinaki kanga ai aroia aomata aika ri buakon te ai ma te ieka,
Ma Ko kairira nakon te tabo ae ti na maiu iai.
13N na uoti karea ni kabuokaki nakon am Auti;
N na anganiko baike I a tia n atong n au taeka ni bau.
14N na anganiko baike I a tia n atong
ngke I taonaki n te rawaawata.
15N na anganiko te tiibu b'a e na kabuokaki b'a te karea i aon te baonikarea;
N na anga kaom'aane ma kooti b'a karea,
ao a na waerake bubuia nakoim.
16Nako mai, ongora, ngkami akana kam karinea te Atua,
Ao N na tuangngkami te b'ai ae E a tia ni karaoia i buku.
17I weteia b'a E na buokai;
I anene ni kamoamoaa.
18Ngke arona b'a I a kamani katinanikui taekan au bure,
Ao E na bon aki ongo irou te Uea.
19Ma E a bon tia n ongo irou te Atua,
Ao E kaeka b'anaan au tataro.
20E na karaoiroaki te Atua,
b'a E aki riba au tataro
ao E aki toki ana nanoanga nako iu.
Who We AreWhat We EelieveWhat We Do
2025 by iamachristian.org,Inc All rights reserved.
