Te Kaotioti Taekan te Boki aei - Kiribati New Version Bible

Taekan te Boki aeiE koreaki te boki aei n te tai are a b'ainikirinaki iai Kristian i bukina ngke a onimakina Iesu Kristo b'a te Uea Ngaia. Oin te kaantaninga ni korean te boki aei, b'a a na kakorakoraki iai nanoia Kristian b'a a na teimatoa n aia onimaki i nanon aia tai ni b'ainikirinaki ma ni karawaawataaki.Angiini kanoan te boki aei bon taiani kaotioti ma baika kanga taiani mii, ake a koreaki taekaia n taeka aika a ataaki nanoia irouia Kristian ake a koreaki i bukiia; ma a kangaanga iroura ni boong aikai b'a ti na atai, ma ti ngkana ti buokaki b'a ti aonga n atai nanoia. A boni ngae n aki kai oota nanon taeka aika kabonganaki n te boki aei, ma e a kona ni kinaki te koaua ae kakannato iai, ae kaangai: b'a a na bane n tae aia kai ana kairiribai te Atua, ao e na tae naba ana kai Tatan; ao a na bane aomata nako aika kakaonimaki n anganaki te kab'aia n te karawa ae boou ma te aonnaba ae boou, ngkana e tab'anin raoi aron te tokanikai, are ana tokanikai te Atua iroun Iesu Kristo.Oi n iango n te Boki aeiTe Taeka mairoun Ioane 1.1-8

Noran te Uea ae Maiu n te Mii 1.9-20

Reeta nakon Ekaretia ake Itiua 2.1—3.22

Te Nira ni Boki Ma Kanim'ana aika B'aai ni Kanikina aika Itiua 5.1—6.17

Te Taromauri i Nanoaan Ana Kaintokanuea te Atua 7.1-17

Taiani Bu ake Itiua 8.1—11.19

Te Rakon ao Maan aika Tiritiri aika Uoman 12.1—13.18

Ana Motiki-taeka te Atua ao Arona ni Kamanomano 14.1-15

Boora aika Itiua aika Booran Unin te Atua 16.1-21

A Taenikai Ana Kairiribai te Atua 17.1—20.10

Te Kabanea ni Motiki-taeka 20.11-15

Karawa ae Boou ao Aonnaaba ae Boou 21.1-8

Ierutarem ae Boou 21.9—22.5

Manga Okini Kristo 22.6-21