1Ao e m'akuri i bukin te UEA Tamuera ni buoka te ibonga are Eri, are e a mataki n te tai aei.
2E aki tataetae te UEA nakoia aomata ni boong akekei, ao E aki naba rangi ni kakaoti nakoia aomata n te mii. Ma n te tairiki teuana, e matu Eri n ana ruu,
3ao Tamuera e matu i aon te kie i rarikin te ati are tabu i nanon Ana auti te UEA. A bon tuai rangi ni maan ni matu
4ao E wetea aran Tamuera te UEA.
Ao e kaeka Tamuera, “Aio ngai!”
5Ao e kawaekoa ni biri nakon Eri ao e taku, “Aio ngai, Tera ae ko tangiria?”
Ao e taku Eri, “Kai I aki weteiko. Naako oki nakon kiem.”
Ao e nako Tamuera.
6Ao E a manga wetea riki aran Tamuera te UEA. Ao e teirake Tamuera, ao e kawara Eri ao e taku, “Aio ngai, Tera ae ko tangiria?”
E kaeka Eri, Natiu, I aki weteiko. Naako oki nakon kiem.”
7E bon tuai man taetae te UEA nakon Tamuera mai m'aaina, ngaia are, e tuai kinaa te b'anaa arei Tamuera.
8Ao ngke E a manga wetea naba arana te katenua n tai, ao e teirake Tamuera ni kawara Eri ao e taku, “Aio ngai! Tera ae ko tangiria?”
Ao e a ataia Eri b'a bon te UEA ae taetae nakon Tamuera.
9Ma ngaia are e taku, “Naako oki weene! Ngkana e a manga taetae riki te aomata nako im, ao ko na kaeka ni kaangai, Te UEA, I ongo b'anaam. Tera te b'ai ae Ko tangiria b'a n na karaoia?’ ”
Ao e a manga nako naba ni wene Tamuera.
10Ao E tei te UEA i rarikin Tamuera ao E manga weteia naba n aron are karaoia mai m'aaina, “Tamuera! Tamuera!”
Ao e kaeka Tamuera, “I ongo b'anaam. Tera te b'ai ae Ko tangiria b'a n na karaoia?”
11Ao E taku te UEA:
Tamuera, N nang karaoa te m'akuri teuana i aon i Iteraera ae a na bane n tiaoki iai aomata ngkana a ongo taekana!
12N na katuaaea Eri ma ana utu, n aron are I a tia ni berita iai.
13E bon ataia b'a a rawa natina m'aane n karineai, ao e bon katikuia n aroia arei, e ngae ngke I a tia n taekinna b'a N na katuaaia ma ana utu n taai nako.
14I kauringa Eri b'a e aki kona te karea ke te angab'ai ni kaeti b'aai! B'a e a rangi ni m'aiti aia tai ni karaoi b'aai aika rangi n ribaaki.
15Ao te ingabong are i mwiina, ao e uti Tamuera ao e kauki mataroan Ana auti te UEA. Ao e maaku n tuanga Eri te b'ai are taekinna te UEA nako ina.
16Ma e taku Eri nako ina, “Tamuera ae natiu, nakomai ikai!”
Ao e taku Tamuera, “Aio ngai!”
17Ao e taku Eri, “Tera ae taekinna te UEA nako im? Tuangai b'aai ni kabane. N na butiia te Atua b'a E na katuaaeko n te aro ae moan te kangaanga ngkana ko aki tuangai Ana taeka ni kabane ake taekin!”
18Ao e tuanga Eri b'aai ni kabane Tamuera. Ao i mwiina, e taku Eri, “Bon te UEA, ao E na bon karaoa te b'ai ae eti.”
Buokan Tamuera Iroun te UEA19Ngke tabe n rikirake Tamuera, ao E buokaki iroun te UEA ao e karaoi b'aai ni kabane ake e taekin Tamuera.
20Ao e bane n ataaki irouia aomata ni kabane man te kaawa are Taan are i meang nakon te kaawa are Beerateb'a are i maiaki, b'a Tamuera bon Ana burabeti ni koaua te UEA.
21Ao E aki toki ni kakaoti te UEA nakon Tamuera i Tiro ma n tuangnga te b'ai are e na taekinna.
Who We AreWhat We EelieveWhat We Do
2025 by iamachristian.org,Inc All rights reserved.
