1Ane a na kukurei taian rereua aika a mate n taka;
ane a na ngarengare aaba aika akea kain aoia
ao a na ure ueeia.
2Ane a na ure ueen taian rereua n taabo nako
ao a na anenei kuuna aika a kakukurei.
A na kakannato
n ai aron te Maunga are Reb'anon,
ao ni mimitong kaanga te Maunga are Karemera
ke te M'arua are Tiaron.
Ane a na bane aomata nako n noora kamimiin mimitongin
te UEA ae Atuara.
E Biti B'aai Ni Kabane Te Atua3Bon aei te rongorongo
nakoia aika a mamaara,
aika a ruru,
aika a iango n raraoma:
4“Kakukureingkami! Kam na aki maaku.
E a roko te Atua
b'a e na katuaaia ami kairiribai.
Ane e na irantaangaia te Atua
ao e na kamaiungkami.”
5Ane a na nooraki aika matakii,
ao a na kamaiuaki
aika a bonotaninga.
6Ane a na eweewerake
aika a m'auku kaanga taian ria;
neewe aika a bae
a na manga takaarua.
Ane a na manga raanga raan
ri nanon te rereua.
7Ane e na manga onikaki te tano ae e a b'atata
nakon te neinei n ran,
e na taorake te tano ae e m'autakataka
n taiani koburake n ran.
A na rikirake uteute n te tano ae m'aim'ai,
ike a karaoa iai mwengaia nanai ni kamea aika a aki manana. Ana Kawai Te Atua Ae E Tabu
8E na mena te kawai ae e raoi ikekei,
ao e na aranaki b'a
“Kawain te Atua ae e Tabu.”
bon akea te aomata temanna ae e aki tau
n taromauri ae e na toua te kawai arei.
Ao bon akea naba te nanobaba ae e na toua
te kawai arei.
9Bon akea taian raian ke maan aika a aki manana
ae a konaa ni kaaniia te kawai arei;
bon ti koraki aika e a tia kamaiuia te UEA
aika a konaa n rikekei.
10A na oki ma te anene
aomata aika e a tia te UEA ni kamaiuia
ngkana a rin i Tion.
E na riki te kukurei b'a aia bau ni uea
ae a na baunna n aki toki.
A na bukamaruia ao a na takaarua
b'a a nako ni kabane
rawawataia
ma raraomaia.
Who We AreWhat We EelieveWhat We Do
2025 by iamachristian.org,Inc All rights reserved.
