1E ataaki te Atua irouia Iuta;
E karineaki arana irouia Iteraera.
2E mena mwengana i Ierutarem;
E maeka i aon te maunga are Tion.
3E otoi kanoani aia kainikatebe kairiribai;
Ao E uru naba otangaia ma aia kabaang ma aia b'ai ni buaka ni kabane.
4Te Atua, ai mimitong ra Ngkoe!
Ai kantara Ngkoe ngkai Ko oki man te maunga
are Ko kataenikaia iai taan ribaiko.
5A kurib'aiaki aia tautia ake a ninikoria,
ao a mate;
A aikoa konai ni kabonganai aia b'ai ni buaka.
6Atuan Iakob'a, ngke Ko b'anaa n un
ao a b'aka ni mate aoti ma ake a toka i aoia.
7Ma Ngkoe, te Atua, Ko makaki irouia aomata ni kabaneia.
Akea temanna ae kona n tei i matam
ngkana Ko un.
8Ko karaoi am Moti mai karawa;
A bane ni maaku aomata ao a kainab'aabu,
9Ngke Ko teirake n anga am Moti, i
bukini kamaiuaia aomata ake a karawawataaki ni kabaneia i aon te aba.
10Ko karikiia aomata aika unun b'a a na kabatia riki kamoamoaam;
ao naake a kamaiuaki n te buaka ana kateimatoa am toa.
11Kakoro bukin ami taeka ake kam a tia ni kab'akai nakon te UEA ae te Atua;
Ngkami aika botannaomata aika kam ua-kaan,
kam na uoti b'aai n tituaraoi nakon te Atua are riai ni makaki.
12E kamangoria taan tautaeka aika kainikatonga,
Ao E makaki irouia uean aonnaba.
Who We AreWhat We EelieveWhat We Do
2025 by iamachristian.org,Inc All rights reserved.
