Taian Areru 127 - Kiribati New Version Bible

(Ana Anene Toromon I Bukin Te Taromauri)Mairoun te UEA Kakab'aian te Mwenga

1Ngkana E aki katea te auti te Atua,

ao e matebuaka aia m'akuri taani kateitei.

Ngkana E aki teiakina te kaawa te Atua, ao e matebuaka aia tei taan tantani.

2E matebuaka te kamarurung n tarai-aro

i bukini maium, n uti nako i m'ain

otin taai ni m'akuri ni karokoa ae e a tai-raa:

B'a E kareke b'aai te Atua nakoia

akana E tangiriia, n aia tai ni matu.

3Boni b'aai n akoi ao n tituaraoi

naati mairoun te Atua.

4Reken natim aika m'aiti

b'a ana tararuaiko

n am tai ni kara

kanga ai aroni kanoani kainikatebe

i nanoni bain te tautia.

5E a kab'aia te aomata ane iai

i rouna kanoani kainikatebe

aika ai aron akanne!

E na aki kona ni konaaki ngkana

e kaitaraa ma aiana n tain te kabowi.