1Ao n tokina, I a tara rake ao I noori aua kaa ni buaka aika a roko mai marenan taian maunga aika uoua aika taian buraonti.
2E katikaki te moan kaa ni buaka irouia aoti aika a uraura, ao te kauoua irouia aoti aika a roro;
3te katenua ni kaa ni buaka, e katikaki irouia aoti aika a tabonobono ni kureei.
4Ao I titirakina te anera arei ni kaangai, “Teuae ko karineaki, “E tei i bukin tera taian aoti aikai?”
5Ao e a kab'arab'ara ni kaangai, “Bon aang aika aua mai karawa, ao ngkai a nang oti nako, i mwiin rokoia nakon UEAN aonnaba ni kabane.
6E nako iaang te kaa ni buaka are e katikaki irouia aoti aika a roro, ao are e katikaki irouia aika mainaina a wairio: ao are e katikaki irouia ake a tabonobono ni kureei, a nakoaiaki.”
7A oti nako taian aoti aika a rangi ni kan nako n tutuo n te aonnaba, ao e tuangiia te anera, “Ani waakina ami tutuo n te aonnaba.”
Ao ngke a tabe ni m'ananga nako
8ao e manga takaarua nako iu ni kaangai, “A na karaoa te b'ai ae e tangiria Tamnein te UEA koraki ake a tia n nako nakon te aba are i meaang.
Te Tia Kairiiri Ae E Rineaki9E taku te UEA nako iu:
10A tia n oki Eretai, Tobia, ao Ietaia nako B'aburon. Rikoi tabeua taian tirewa ma koora mairouia ni karaoa iai te baunuea.
11Ao i mwiina, ko na airi ma ngaiia nakon ana auti Iotia are natin Teb'ania ao katokaa te baunuea i aon atuun te ibonga are e rietaata are Iotua are natin Ieotataka.
12Tuangnga au taeka ae e kaangai, “Iai temanna ae na nako mai ikai kaanga te m'aanga ao e na katea te Tembora i buku. N na aranna b'a ‘M'aanga’, ao e na tautaeka ma te karineaki.
13E na tei te ibonga i rarikin ana kaintokanuea, ao uoman mai buakoia a na riki b'a raao aika raoiroi.
14E na kaawakinaki te baunuea aei i nanon au Tembora b'a te b'ai ni kauring ao e na tararuaaki iroun Eretai, Tobia, Ietaia, ao Iotia.”
15A ngke a roko aomata man aaba aika a kiraroa ni buoka karaoan ana Tembora te UEA ae Moan te M'aaka, ao ane kam na ataia iai b'a bon te UEA ae e kanakoai. Ao e na koro bukin te b'ai aei, ngkana kam bon ongotaeka raoi iroun te UEA ae Atuami.
Who We AreWhat We EelieveWhat We Do
2025 by iamachristian.org,Inc All rights reserved.
