1E bwenaua ana taanga ni buaka Tawita nakon taiani m'akoro aika kaka tebubua ao kaka teuana tengaa kaaia. Ao i mwiina, e rineia ana aobitia b'a atuun taian kurubu n tatabeua nako.
2E kanakoa teuana te katenim'akoro man ana taanga ni buaka i aan ana kairiiri Ioaba, ao te katenim'akoro i aan ana kairiri Abitiai are natin Teruia, ao nikiraia i aan ana kairiri Itai mai Kata. E tuangiia tautia ni kaangai, “N na buaka ma ngkami.”
3Ma a taku tautia, “Ko na aki. Ko na aki iriira ni buaka! E na bon ti te bo naba ngkana ti riki ni biri nako mairouia ara kairiribai, ke ngkana a tiringiia iteran ara taanga ni buaka. E raoiroi riki ngkana ko tiku n te kaawa ao ko karoorokoa buokara ngkana ti tangiria.”
4Ao e taku Tawita. “E tamaroa ngkana kam taku b'a N na aki.”
5Ao e ongo te aba te takaarua ae e bane n ongo te aba ae e kaangai, “Ioaba! Abitiai! Itai! I butingkami b'a kam na aki kaikoaka te rorobuaka are Abetarom.”
6E tei Tawita i rarikin mataroan te kaawa ngke a m'aati ana taanga ni buaka n aia m'akoro ake kaka tebubua ao kaka teuana tengaa.
Tiringakin AbetaromE bo te buaka ma Iteraera ni Buakonikain Eberaim.
7E kaona te buakonikai arei te buaka, ao a tokanikai ana tautia Tawita.
8A mate uabwi tengaa tautia n te bong arei, ao m'aitina riki aika a mate ni kamaamaten te buakonikai nakon are bon te buaka.
9E tabe n toka Abetarom i aon te miure ngke e a ti bae naba atuuna ni m'aangan te aroka ae e korakora. E biri nako te miure ao e tiku Abetarom n tinetine i eta. Ao e rina n rikekei tabeman ana tautia Tawita,
10ao temanna mai buakoia e nako n tuanga Ioaba ni kaangai, “I noora Abetarom n tinetine n te aroka!”
11Ao e kaeka Ioaba ni kaangai, “Ko noora Abetarom? Ao e aera ngkai ko aki tiringnga? N na kona n anganiko tebwiina te m'akoro n tirewa ao te bare ngke ko tiringnga.”
12Ao e kaeka te m'aane arei ni kaangai, “E ngae ngkana ko anganai teuana tengaa te m'akoro n tirewa ngkai ikai, N na bon aki riinga naba teutana natin te uea te m'aane. Ti bon bane n ongo b'anaan te Uea are Tawita ngke e tuangiia Abitiai ma Itai b'a a na aki kaikoaka Abetarom.
13E kakai kakaea rongorongon te b'ai are e riki. N na bon karekeai n te kangaanga ngkana I tiringa Abetarom, b'a ane ko na bukinai iai.”
14Ao e taku Ioaba, “I aki konaa ni kabanea au tai iroum!”
E bon maiu naba Abetarom, ma ngaia are, e anai tennai te kainiwai Ioaba ao e bakarerea iai b'ab'aan Abetarom.
15Ao a roko taan tararuaa Ioaba ake tengaun ao a tiringnga raoi.
16Ao i mwiina, e katanga te buu Ioaba n tuangiia ana taanga ni buaka b'a a nang aki kakioia tautian Iteraera.
17Ao i mwiina, a karenakoa rab'atan Abetarom i nanon te m'arua i nanon te buakonikai ao a kaibetaotaoi taian atiibu i aona.
Ao a bane ni biri n okiri mwengaia Iteraera i nanon te tai anne.
18Ngke e bon maiu ngkoa Abetarom ao E a tia ni katea kanuringana n te m'arua are Aia M'arua Uea. Ao e kab'arab'araa iai ni kaangai, “Akea natiu te m'aane ae e na kateimatoa arau.” Ao e aranna b'a Kanuringan Abetarom, ao e bon tiku naba arana anne ni karokoa boong aikai.
Te B'ai Ae E Tangiria Aimaati N Tuanga Tawita19Ao e taku Aimaati are natin Tatoka te m'aane, “Ioaba, kariaia b'a N na biri nako n tuanga te Uea are Tawita b'a E a tia te UEA ni kamaiua mairouia ana kairiribai.”
20Ma e taku Ioaba, “Bon tiaki ngkoe ae ko riai n tuanga te uea ae e a mate natina te m'aane. Ko konaa n tuangnga te rongorongo anne n te tai teuana ma tiaki moa n te bong aei.”
21Ao e taku Ioaba nakon temanna te aomata ae kaain Itiobia ae e teitei ikekei, “Naako n tuanga te uea te b'ai ae ko a tia n nooria.” Ao e katorobubua te m'aane arei i matan Ioaba ao i mwiina, e teirake ao e birinako.
22Ao e manga taetae riki Aimaati nakon Ioaba ni kaangai, “E aoria ngkana tao tera ae e a tia n riki ma I bon tangiria naba n nako. Ao i rarikin anne a tia n nako kaain Itiobia.”
Ao e taku Ioaba, “E aera ngkai ko na nako? E na bon aki reke iroumi te kaniwanga i bukin te rongorongo ae e reke iroumi!”
23Ao e taku ana taeka Aimaati, “N na bon nako ao I aki tabe ma te b'ai teuana!”
Ao e taku Ioaba, “E tamaroa ao biri!”
Ao e kiitana kawain Itiobia Aimaati ao e toua kawain M'aruan Ioretan.
24Ao i nanon te tai anne, e tabe n tekateka Tawita i marenan te mataroa n te kaawa are mai nanoaa ao mataroan te kaawa are mai tinaniku, i nanon oon te kaawa. Ao temanna mai buakoia ana tautia e tabe n tarataraa nako mai taubukin te taua n taratara. Ao e noora te aomata ae e biri nakon te kaawa
25ao e takaarua rikaaki nakon Tawita n tuangnga.
Ao e kaeka Tawita ni kaangai, “Ngkana ti ngaia, ao e na bae n uota te rongorongo.”
Ao e tabe ni kaan te tia biri arei,
26ao e a manga noora riki temanna te tia biri. Ao e takaarua rikaaki nakon mataroan te kaawa, “Nooria! Iai riki te tia biri temanna!”
Ao e taku Tawita, “Tao iai naba ana rongorongo.”
27Ao e takaarua teuare e mena i taubukin te auti ni kaangai, “Ti te bo taraan are te moan bon Aimaati are natin Tatoka te m'aane.”
Ao e taku Tawita n te tai aei, “Bon te aomata ae e raoiroi. E na bae ni uota te rongorongo ae e raoiroi.”
28Ao e weewete Aimaati ni kaangai, “Ti tokanikai! Ti tokanikai!” Ao i mwiina, e bobaraaki ni karinanoa nakon Tawita ao e kaangai, “Te uea ae ko karineaki, neboa te UEA ae Atuam! E a tia n anganiira te tokanikai i aoia ana kairiribai.”
29Ao e titiraki Tawita ni kaangai, “Ao e uara natiu are Abetarom?”
Ao e taku Aimaati, “Ngke e kanakoai Ioaba ma am tia m'akuri, I nooriia aomata aika a kakarongoa. Ma I aki ataia b'a tera te b'ai arei.”
30Ao e taku Tawita nakoina, “Tei ikai n tataninga.”
Ao e nako Aimaati n tei n te tabo are e tuangnga b'a e na tei iai.
31Ao e roko kaain Itiobia ao e taku. Te uea ae ko karineaki, I uota te rongorongo ae e raoiroi n te bong aei! E a tia te UEA ni kamaiuko mairouia am kairiribai ni kabane!”
32Ao e titiraki Tawita ni kaangai, “Ao e uara natiu are Abetarom?
Ao e kaeka te I-Tiobia arei ni kaangai, “Te uea ae ko karineaki, bon au kantaninga b'a a bane n tia ni mate am kairiribai ma aomata ake a kataia n tiringko n reitaki naba ma ngaia!”
Tangin Tawita I bukin Abetarom33Ao e a ruru Tawita. Ao i mwiina, e waerake nakon te ru are i etan mataroan te kaawa n tang iai. Ao e b'aeb'aeti ngke e tabe ni m'ananga ao e taku, “Natiu ae Abetarom! Natiu ae Abetarom! Natiu, natiu ae Abetarom! Tera ngke I mate n onea mwiim! Abetarom, natiu, natiu!”
Who We AreWhat We EelieveWhat We Do
2025 by iamachristian.org,Inc All rights reserved.
