1Aio ana taeka ni burabeti Ob'aria, ake E taekin te UEA ae rietaata i bukiia aomatan Etom.
E na katuaaia I-Etom te UEAE a tia te Atua ni kanakoa Ana tia uarongorongo nakoia botannaomata nako,
ao ti a tia n ongo ana rongorongo:
“Tauraoi! Ti a nako ni buakana Etom”
2E taku UEA nakon Etom,
“N na kamamaarako;
ao a na bane aomata ni katinanikuko.
3Ko rangi ni kamoamoa,
kioina ngke ko nonoa atun am tautaeka n taian b'aa aika a matoatoa,
ao ko maeka i taubukin maunga aika a ririeta.
Ma e kam'aneko am kainikatonga anne ao ko taku i nanom,
“Antai ae kona ni katikai rikaaki?
4E ngae ngke ko karaoa mwengam n taabo aika rietaata,
n ai aron ngaon te ikare,
n te aro are kaanga ko a mena i buakon itoi,
ma N na bon katikiko naba rikaaki.
5“Ngkana a roko taan iraa n te bong,
ao a na bon tii anai baike a tangiri.
Ngkana a kiniki uaan kureebe aomata,
ao a na bon tiku naba tabeua uaan te kureebe.
Ma ngkana a roko ami kairiribai ao a na bon kamatei ngkami ni kabane.
6A kurib'aiaki kaub'aimi kanoan Etau!
7E a tia ni kam'aneko am itabon;
a tia ni karekea te anga are ko na kitana iai abam.
Aomata aika ko iraorao ma ngaia, bon ngaia aika a na ekinakoko.
Raraom aika ko itabon am'arake ma ngaiia, bon ngaiia aika a na kam'aneko;
A kakanikoko ao a kaangai, ‘E ngaa te baere rabakaum?’
8“N na bon tiringiia ana taan rabakau Etom,
ngkana I katuaaea n te bong arei
ao N na kamaunaa aia ataib'ai ni kabane.
9A na bane ni maaku taan un mai Teman,
ao a na bane n tiringaki tautian Etom. Bukin katuaaeaia aomatan Etom
10“Akea tokin kamamaeam ma uruam Etom
i bukina ngkai ko a tia ni iraeia ma n tiringa tarim ae kanoan Iakob'a,
ko na bon kamaunanakoaki n aki toki.
11Ko matakuakina tarim
ngke e niniaki ao n urubekeaki ana tabo irouia ana kairiribai.
Ai aron ae raoia naba ianena ngkoe
ake a uotii nako kaub'ain Ierutarem
man tib'atib'ai aoia.
12Ko bon riai n aki ngareakina tarim
ae Iuta i nanom ngkai e a reke n te kangaanga
Ko bon riai n nanokawaki n te bong
are e buakanaki iai aia kaawa
Ko bon riai n aki kakanikoia
ngke a taonaki n te rawaawata.
13Ko bon riai n aki ninia aia kaawa au Aomata,
ni b'ainingareia ngke a rawaawata
ao ma n kurib'ai kaub'aia
i nanon te bong are a buakanaki iai.
14ko bon riai n aki tei i tutaan kawai
n tauia ake a birinako n rawei maiuia
Ko bon riai n aki anga ngaiia nakoia aia kairiribai
n te tai are a rawei maiuia iai.
E na Motikitaekaia botannaomata te Atua15“N nang karokoi aia bong botannaomata
b'a N nang katuaaia.
Ngkoe ae Etom, e na manga bon okiriko
te b'ai are ko a tia ni karaoia.
E na bon reireiniko am m'akuri.
16A tia ni mooi au Aomata ni m'angkon oreia ae kamangingi
i aon Au tabuki are e tabu
Ma botannaomata aika katobibira ana bane ni mooi
n te mooi ae maai ae m'angkon te katuaaeaki;
ana mooi ni kabanea n akea nikirana.
Ana Tokanikai Iteraera17“Ma a na birinako tabem'aang man te maunga are Tion,
ao e na riki b'a te tabo ae e tabu.
A na manga abana te aba kanoan Iakob'a
ngkai bon abaia te aba.
18Aia botannaomata Iakob'a ma Ioteb'a a na riki kaanga ai aron te ai;
A na kamaunaia kanoan Etau
n ai aron te nikira ni uita i aontano ngkana e buee.
Bon akea nikiraia kanoan Etau aika ana tiku ni maiu.
Bon Ana taeka te UEA!
19“A na aban aaba ake i maiaki ake i Etom aomatan Iuta;
ao a na aban aaba ake i maeao ake i Biritia aomatan aaba ake a aoraoi ma n rinano
A na aban aaba ake i Meang ake i Eberaim ma Tamaria aomatan Iteraera;
A na aban aaba ake i mainiku ake i Kireata kanoan Beniamin.
20A nang oki taenikai ake aomatan Iteraera meang
ao a na buaka ma n taua Kanaan (Boinikia)
nakoiang n toki i Tareb'ata.
A na taua te kaawa are Iuta maiaki taenikai
ake aomatan Ierutarem ake a mena i Teberata.
21Ao ana buakana naba Etom,
ma n taua taekana taani buaka aika m'anen Ierutarem aika a totokanikai.
Ao E na uea te UEA n tii Ngaia i aoia Ana aomata.”
Who We AreWhat We EelieveWhat We Do
2025 by iamachristian.org,Inc All rights reserved.
