1I mwiina, I kiitana te Tembora ma te m'aane arei ao ti nakonako n okira katawanangin oon te Tembora, e kaota nako iu taian ruu aika a mena i meaangin te kateitei are e mena i maeao.
2Bon nimabwi te miita bootan ab'akiia ao uabwi ma nimaua te miita bootan naba rababaia.
3N iteraia are teuana bon te katawanang ae tebwiina te miita ae e biri i rarikin te Tembora, ao n te itera are te iterana bon te tabo ae e kabooraoaki ni katobibia katawanangin oon te Tembora. A karauaki ni baaireaki taian ruu akekei n tenua te rinan ni waerake
4ma mataroaia aika a uki ni kaaitaraa meaang, ao i mataia bon te kawai n nakonako ae nimaua te miita rababana ao nimabwi te miita ab'akina.
5A irariki tabon taian ruu ake i eta nakon ake a mena i nuuka, ao taian ruu ake a mena i nuuka a irariki nakon ake a mena inano.
6A bakatokoaki taian ruu ake borauatao ma tenatao ake ieta n taian ruu ake kabanea mai nano, ma ngaia are, bon akea bouan taian ruu aikai n aron taian kateitei ake tabeua ni katawanangin oon te Tembora.
7Nako ia aang bon te oo te kunnikai
8ae uabwi ma nimaua te miita ab'akina,
9ao i tabon te oo aei are mai mainiku bon te mataroa
10nakon katawanangin oon te Tembora nakon taian ruu aikai.
Bon iai taian ruu aika a rinan mai maiakin te kateitei are i maeao.
11Bon ti te bo raoi taian ruu aikai ma ake i teitera are maiaki, ao bon iai naba te kawai ae irariki ae e biri i mataia.
12E mena mataroa taian ruu aikai mai tabon te oo are e tei i mataia.
13Ao e taku te aomata arei nako iu:
Ru aikai a mena i meaangin ao i maiakin te Tembora bon taian ruu aika a tabu ike a na kang iai karea aika a rangi n tabu ana ibonga te UEA. Raon taiani karea aikai bon te karea are te uita, te karea i bukin te bure, ao te karea i bukin kaetan b'aai.
14Ngkana a tauraoi ni kiitana te Tembora ibonga, a na riai n ri nanon taian ruu aikai i m'aain okiia nakon katawanangin oon te Tembora. A na riai ni katikui aia kunnikai aika a tabu n taian ruu aikai i m'aain ae a nakon taabo tabeua i rarikiia aomata.
15Ao ngke e a tia n anaa baairean taian kateitei ake i nanon ana tabo te Tembora te aomata arei, ao e a manga kairai ni kaokai ri nanon te mataroa are i mainiku ao e anaa baairean te oo are e katobibia te tabo aei.
16E kamenaa ana kai ni baaire arei n anaa baairean mainikun te oo arei; ao bon 255 te miita ab'akina.
17Ao i mwiina, e anaa baairean te itera are meaang,
18te itera maiaki, ao maeaon te oo,
19ao kaka 255 te miita ab'akiia n tatabeua nako,
20ma ngaia are, ana tabo te Tembora bon te tabo ae e tikuea raoi. E kaokoroaki te tabo are e tabu ma te tabo are e aki tabu n te oo are e katobibia te tabo aei.
Who We AreWhat We EelieveWhat We Do
2025 by iamachristian.org,Inc All rights reserved.
