1Katanga te buu ni kauring!
Iteraera, ko a tia n urua ara boraraoi
ao ko a tia n aki kubara au reirei.
Ao ngkai e na kiba rikaaki te ikare
ni buakana abau.
2Iteraera, kam taku, “Ti atongko
te UEA, b'a Atuara Ngkoe.”
3Ma ane e na kakioko am kairiribai
i bukin aki kubaran
ara boraraoi ae e raoiroi.
4Kam rineia taiani uea ma taan kairiiri
ao kam aki moa kaetai;
Kam karaoi taian bouannanti man te tirewa ma te koora
ake a karika b'akami.
5Te kaawa are Tamaria, I a un
n ami bouannanti
ae taamnein te kao te ataei.
N ningai te tai
ae kam na aki bure iai?
6Iai temanna mai Iteraera ae e karaoa
te bouannanti anne i bukimi,
ma bon te ti te Atua Ngai.
Ai ngaia are, e na kamaaenikunaki
n aki akaaka.
7Ngkana kam kamaae n unika te ang
n onea mwiin te uita,
kam na bon taia te ukeukenanti
ao ana akea ami uita.
E ngae ngkana kam taia te uita
ana manga kimoaia kairiribai ni kabane.
8Iteraera, ko a uruaki,
ao ko a atongaki ngkai irouia botannaomata
b'a akea bonganam.
9Ti te bo ngkoe ma te aati ae e aki manana
are e bon toua nako kawaina i bon i rouna.
Ko biri nako Aturia
ao ko kabooia b'a raom n te buaka.
10E ngae ngke a kabonakoia nakon aaba aika bati
ma N na manga bootia naba.
Kam na waekoa ni kabuakakaaki
irouia uea ma taan tautaeka.
11Iteraera, ko a tia ni katei
taian baonikarea aika m'aiti ike kam anga
karea ni kab'ara bure.
Ma a riki taian baonikarea aikai b'a
taabo ake a bure aomata iai.
12A tia ni koreaki ni katab'aninaki raoi
Au kaetieti i bukin taian karea,
ma kam aki kubari.
13Kam karean ami man ake taian kabanea n tamaroa
ao kam kang irikoia maan ake kam karean,
ma I aki butim'aai ami karea nako
Ngai ae te UEA.
N na aki m'aninga ami bure
ao N na katuaaingkami.
Ao i mwiina, kam na okira Aikubita.
14Iteraera, I karikingkami,
ma kam m'aninga taekau.
Ko karaoi taian bareti ngkoe ma Iuta
ao kaawa aika a matoatoa.
Ao ngkai N na kanakoa te ai b'a e na urua
ami kaawa nako ma taian nono.
Who We AreWhat We EelieveWhat We Do
2025 by iamachristian.org,Inc All rights reserved.
