Neemia Taekan te Boki aei - Kiribati New Version Bible

Taekan te Boki aeiEtira ao Neemia bon booki aika oioi b'a tii teuana. A bane ni booti rongorongoia ana aomata te Atua, ngke a oki man te kataenikaiaki i B'aburon, manga katean te tembora, manga kaokan aron Ierutarem, ao manga kaokan aroia ni kakaonimaki nakon ana tua te Atua.E maeka Neemia ni kaawan Botia ae e buubura are Tuta ao bon ana toro te uea are Atatokititi. E a tia ni kakoaua b'a aomata ake a oki man te taenikai i B'aburon a bon aitara ma taian kanganga aika m'aiti. Ma ngaia are, e tataro Neemia ao e buubutiia te Atua i bukin ana nanoanga ma ana kairiri, b'a e na kona ni kanakoaki iroun Atatokititi nako Ierutarem b'a e na manga katea te kaawa are e buubura arei. E ngae ngke m'aiti taian totoko ma kangabuaka mairouia tautaeka ake tekorakina i bukin katukakin Ierutarem n arona ni mamara, ma e bon tokanikai Neemia ni kairaia taani m'akuri ni karaoa oon te kaawa ma mataroana. Etira are te ibonga e wareka ana tua Moote nako ia aomata, ike a raraoma ni koaua, a uaia n tataro ao ni manga kauringa ana Toa te UEA aika tabu. E reita ana m'akuri ae kakawaki Neemia ni manga kabooua aia onimaki Iutaia ni kanakoia ianena, manga kaokan te tua i bukin katabuan te bong ae te Taabati, ao katabuan te mare aika kamangaongao aroia.Oi n iango i aon te boki aeiOkin Neemia ao katean te oo (1.1—7.73)

Te Botannaomata ae Boou i aon taian boraraoi ni kawai. (8.1—10.39)

Reitan ana m'akuri Neemia (11.1—13.31)