1A bane n tauaki araia Iteraera n rongorongon te utu ae e eti raoi are e karinaki naba n Rongorongoia Uean Iteraera.
A uotaki nako aomatan Iuta b'a taenikai nako B'aburon i bukina ngke a bure nakon te UEA.
2Koraki ake a moan okira aia kaawa bon taian ibonga, kanoan Rewi, taani m'akuri n te Tembora, ao Iteraera ake te korakina.
3A tekateka i Ierutarem barongan Iuta ake Beniamin, Eberaim, ao Manate.
4Bootan m'aitiia kaain te baronga are Iuta ake a tekateka i Ierutarem bon onobubua ruabwi.
5Kanoaia ana bakatibu natin Iuta te m'aane are Bereti,
6bon iai aia mataniwi ae Utai, are natin Ammiuta te m'aane ae tibun Omri. Ao tabeman riki ana bakatibu bon teuare Imri, ao Bani.
Kanoaia ana bakatibu natin Iuta te m'aane are Tiera, bon iai aia mataniwi ae Ataia, are bon te mataniwi n ana utu.
Kanoaia ana bakatibu natin Iuta te m'aane ae Tera ao iai ana mataniwi are bon teuare Ieuera.
7Botan m'aitiia taani kairiiri man te baronga are Beniamin bon ruabubua nimangaun ma onoman ake a tekateka i Ierutarem.
8Ao n ikotaki naba ma Taru are natin Meturam te m'aane, are tibun Otawia, ao tibutorun Atenua;
9Ibeniia are natin Ieroam te m'aane; Era are natin Uti te m'aane ao tibun Mikeri te ataei ni m'aane; Meturam are natin Teb'atia te m'aane, tibun Reuera te ataei ni m'aane, ao tibutorun Ibeniia te ataei ni m'aane.
Ibonga ake a maeka i Ierutarem10Aio tauan mwiia ibonga ake a tekateka i Ierutarem: Ietaia; Ieoiariba; Iakin,
11Ataria, are mataniwiin te Tembora, are e riki mairouia Irekia, Meturam, Taroka, Meraiota, ao Aituba;
12Ataia are natin Ieoram te m'aane, are e riki mairouia Batiura ao Marekia, Maatai are natin Ariera te m'aane, are e riki mairouia Iatera, Meturam, Metiremita, ao Immera.
13Bootan m'aitiia ibonga bon 1,760, ao bon taani kairiiri ngaiia man aia utu n aia kaainga ao a tia ni kataneiaki b'a taani m'akuri n te Tembora.
Kanoan Rewi ake a Tekateka i Ierutarem14Aio tauani mwiia kanoan Rewi ake a tekateka i Ierutarem: Temaia man te kaainga are Merari,
15are e riki mairouia Atuba, Atirikam, ao Atiabia; B'akeb'aka. Ereti, Karara, Matania are natin Mika te m'aane, are e riki mairouia Tikeri ao Ataba;
16Ob'aria are natin Temaia te m'aane, are e riki mairouia Karara ao Ierutun, Berekia are natin Ata te m'aane ao tibun Erekana te ataei ni m'aane, are e a tia ni maeka ni kaawa aika a uarereke i rarikin te kaawa are Netob'a.
Taan Tantani n te Tembora ake a Tekateka i Ierutarem17Aikai taan tantani ni mataroan nako te Tembora: Tiarum, Akuba, Taremon, Aiman, ma aia koraki. Tiarum bon te tia kairiiri man te kaainga aei,
18ao a tia n riki b'a taan tantani n ana mataroa te uea i mainikun te kaawa ae e buubura. I m'aain anne, ao aia bakatibu ngkoa ngaiia ake a tantani ni mataroan aia kaemb'a kanoan Rewi.
19Tiarum bon natin Kore te m'aane, ai uana naba ma m'aane ake tekorakina n te kaainga are Kora, a tantani ni mataroan te rin nakon te Tembora, n aroia aia bakatibu ake a tantani ni mataroan te Um'antabunrianna.
20E a tia n tararua te m'akuri Bineati are natin Ereata te m'aane i bukina ngke E memena te UEA i rouna.
21Tekaria are natin Meteremia te m'aane boni ngaia naba temanna te tia tei i matan te rin nakon te Umantabunrianna.
22Bootaia taan tei bon 212, a bane n tauaki rongorongoia n te boki are tauani mwiia utu ni bon aia kaawa. A tia n rineaki aia bakatibu iroun te uea are Tawita ao Tamuera are te burabeti b'a taani m'akuri aika a onimakinaki,
23ao ngkai a riki b'a taan teiakina mataroan taiani kawai n rin nakon te Tembora.
24Kaka temanna aika a rineaki b'a taan tei i bukin koonan te Tembora ake aua, aika a b'anin raoi aia tai n tei.
25A maeka taan buokiia n taiani kaawa aika a uarereke i tinanikun te kaawa are e buubura, ao a baabane n rooroko nakon te kaawa are e buubura ni katoa itiua te bong ao a karaoa aia tei n taabo n tei.
26Naake a b'anin raoi aia tei bon kanoan Rewi ao a kairiia taan tei ake te korakina ao tabeia tararuaan ruun nako te Tembora ao b'aai ake a kaawakinaki ikekei.
27A tararua te Tembora n te ngaina ao te bong ao a kakauka mataroana ni katoa ingabong.
Nakoaia Kanoan Rewi28Tabeia tabeman kanoan Rewi bon te tararuai b'aai ake a kabonganaaki n te taromauri n te Tembora, ao a wawareki b'aai i m'aain kamanenakiia ao i mwiin kamanenakiia.
29Ao ake tekorakina a tararuaa b'ain nanon te Tembora ma b'aai ake a tabu, n reitaki ma te buraawa, te wain, b'aan te oriwa, te b'ai ni kaboiarara, ao b'aini kaboiararaan te am'arake.
30Ma bon tabeia ibonga ni karaoi rengarenga ni b'aini kaboiararaan te am'arake.
31Ana karimoa te m'aane Tiarum are kaain te kaainga are Kora man kanoan Rewi bon Matitia, ao tib'angana bon kam'aakin te kariki are e na kamanenaaki i bukin taian angakarea.
32Kanoan Rewi ake man te kaainga are Koata boni ngaiia ake a tabena kam'aakin taiani kariki ake a tabu ni katoa Taabati.
33Taani kairiri man utuun nako kanoan Rewi ake taani katangitang a boni maeka naba n te Tembora. Bon akea riki tib'angaia teuana, i bukina ngke a tei n te bong ma te ngaina.
34Bon taani kairiiri man utuun te baronga are Rewi ao a tauaki araia n te aro anne ni bokin aia utu. A maeka i Ierutarem.
Ana Utu te Uea are Tauro(1 Rongo 8.29-38)35E a tia n tekateka Ieiera n te kaawa are Kibeon, ike e maeka iai ma buuna are Nei Maaka.
36Bon iai natiia m'aane aika tengaun aika a bungiaki n aron aei man te karimoa nakon te karimwi: Abeton, Tura, Kiti, B'aara, Nera, Nataba,
37Ketora, Aio, Tekaria, ao Mikerota
38are taman Timeam. A nako ni maeka tabeman mai buakoia i Ierutarem i rarikiia aia koraki.
39Nera bon taman Kiti ao tibun te uea are Tauro te unim'aane.
Bon iai natin Tauro aika aman m'aane b'a: Ionatan, Marikitua, Abinataba, ao Etib'aara.
40Ionatan bon taman Merib'ab'aara,
41ao tibun Mika te unim'aane, ao tibutoruia Biton, Mereka, Tarea, ao Aati te unim'aane.
42Aikai ana kariki Aati: Iara, Aremeta, Atimaweta,
43Timri, Mota, Binea, Reb'aia, Ereata, ao Atera ma natina m'aane aika onoman:
44Atirikam, Bokeru, Itimaera, Tearia, Ob'aria, ao Anan.
Who We AreWhat We EelieveWhat We Do
2025 by iamachristian.org,Inc All rights reserved.
