1Ao e tabe ni b'ara nanon Itiboteta ngke e ongo maten Abenera i Eberon. A bane ni maaku Iteraera ni kabane.
2E a tia Itiboteta ni rineia tarina ake uoman ake Baana ao Rekaba b'a a na tararuaia tautia ake a kurib'ai kaawa ake a riki b'a aia kairiribai. Bon Rimmon tamaia, ao bon kaain te kaawa are Beerota, are aia b'ai kaain te baronga are Beniamin.
3A tia ni biri nako Kitaim aomata ake a maeka ngkoa i Beerota, ao a maeka ikekei.
4Temanna man ana baronga Tauro, bon natin Ionatan ae arana Mebiboteta, ae ai tib'a nimaua ana ririki ni maiu ngke a tiringaki Tauro ma Ionatan. Ngke roko rongorongon mateia uakai man te kaawa are Ietireera, ao e roko ana tia tob'a n anaia mani birinako ma ngaia; ma E nang katawe ana tia tob'a aio n te aro are e b'aka teteei aei, ao n riki b'a te m'auku.
5Ao n te tai teuana ngke e a tawanou, a nako Rekaba ao Baana ni kawara ana auti Itiboteta. Bon te tai ae e kabuebue, ao e wenewene
6i nanon ana runiwene. Ao a rinnako taari ake uoman akekei, ao a bakaaea anaakin te buuraawa teutana.
7Ma ngke a roko i nanona, a ewara naba biroton Itiboteta n tiringnga. Ao i mwiina, a korea atuuna ni kanakoa ao a uotia nako.
Ao a m'ananga Rekaba ao Baana ni uaa e ngaina ri nanon M'aruan Ioretan.
8Ao n tokina a manga rairaki ni wairio nako Eberon. A tangiria n noora Tawita n taetae ni kaangai, “Teuae ko karineaki, aio atuun Itiboteta, are natin am kairiribai are Tauro are e kataia n tiringko! E a tia te UEA ni kaboraoiko ma Tauro ma ana utu.”
9Ao e kaeka Tawita ni kaangai:
I tuea b'a bon ti te UEA ae e kamaiuai ngkana I reke n te kangaanga!
10Ngke e roko ngkoa te m'aane i Tikeraka n tuangai maten Tauro, ao e taku n ana iango b'a e na reke nakoina te kaniwanga i bukin karokoan te rongorongo ae e raoiroi. Ma I taua ao I tiringnga.
11Ao ngkami aika m'aane aika kam buakaka, kam a tia ni karaoa riki te b'ai ae e rangi ni buakaka riki nakon are karaoia. Kam a tia n tiringa te aomata ae akea ana bure i nanon oin ana auti i aon ana kainiwene. N na kabooa mwiin ae kam karaoia nakoimi. N na kamaunaingkami mai aon te aonnaba aei!
12Ao i mwiin arei, e taku Tawita nakoia ana taanga ni buaka, “Tiringiia taari aika uoman aikai! Koroi baiia ma waeia ni kanakoi ao katinei rab'ataia i rarikin nein Eberon. Ma kam na tauna rab'atan Itiboteta n ana ruanimate Abenera i rarikin Eberon.” Ao a karaoa arei.
Who We AreWhat We EelieveWhat We Do
2025 by iamachristian.org,Inc All rights reserved.
