1Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.
2Bon ana kanimaua n ririki mai mwiin uotakinakoan te uea are Ieoiakin nakon te kataenikaiaki.
3Ao I ongo b'anaan te UEA ngke e taetae nako iu i rarikin te karaanga are Keeb'ara, ao I kaonaki n te m'aaka.
4I tararake ao I noora buakani karawa ae e roko mai meaang. E nako te iti man te nang ae e korakora ao e kaotaa karawa ni kabane n te raitiiti ae raneanea. Nukan te nang arei e ura ma n oota nako kaanga te biti ae e waanetiaki,
5ao i nuukana I noori b'aai aika a aua aika maiu. Ti te bo taraaia ma te aomata,
6ma iai ubun are teuana aika aua ao aai naba baina ni kiba.
7A eti rangaia, ma ti te bo waeia ma waen taiani kao ataei ao a raitiiti kaanga te buraati.
8Iai bain te man aei i aan baina ni kiba ake aai ae bain te aomata.
9A kaai n tannako maan aikekei ni kaun akuu ma baiia ni kiba aika a boo taboia. A buti n aki akaaka nakon taabo n aki akaaka, ao a aki raaraira rab'ataia.
10Maan akekei iai ubuia n tatabemaniia ae kaanga ubun te aomata mai moana, ubun te raian n iterana are te angaatai, ubun te kaom'aane man te maing, ao ubun te ikare mai buki.
11Uaai bain maan akekei aika taakinaki nako ni bo ma baiia maan ake n iteraia ake uoua. Ao baiia riki ake uaai a rukumaki n nim ma rab'ataia.
12A buti maan ake aua akekei n ikotaki n ti teuana, ao a aki rarairaki i bukina ngke a kaineti taabo nako moaia.
13A raitiiti maan akekei kaanga te kooro ae e kabuebue, ao I noora te b'ai ae kaanga te oi ae e ura ae e butirake ao e buti rikaaki i buakoia. E nako te iti man te oi ni katoa te tai are e nako ia urana.
14A m'ananga maan akekei ni kewa kaanga kiban te m'akaro man te ai.
15ao i mwiina, I a tib'a ataia b'a iai taian wiira aika a mena i rarikiia maan akekei n tatabemaniia nako,
16ae e raneanea kaanga te tobati. Ti te bo wiirana nako ao e mena wiirana are teuana i nanon wiirana are teuana; kaanga e koreaki mai nuuka
17b'a e aonga ni konaa ni buti nakon moaia aika a kakaokoro ao a aki manga rarairaki ni kaeti moaia.
18A buubura nainain wiira akekei ao a onrake n taiani kanoanimata ni katobibia.
19Ngkana a m'ananga maan akekei, ao a airi naba ma taiani wiira akekei, ao ngkana a teirake maan akekei mai aon te aonnaba, ao a teirake naba taiani wiira akekei.
20A m'ananga nakon te tabo are a bon taku maan akekei, ao ti te bo naba ma taiani wiira akekei b'a a karaoa are a karaoia naba maan akekei, i bukina b'a a baaireaki aroia irouia maan akekei.
21Ma ngaia are, ni katoa te tai are a m'ananga iai ke a toki iai ke a kiba rake, ao a bon karaoa naba anne taiani wiira akekei.
22Iai te b'ai ae kaanga taraan annangin karawa ae e riki man raneanean te kerutitaro.
23Ao a tei i aan te b'ai are kaanga taraan annang n taakin baiia ake uaai maan akekei ni kaboi tabon baiia temanna nakon are i rarikina ni kamronron, ao a rabuna rab'ataia ni baiia riki ake uaai.
24Ao I ongo tangin baiia ngkana a kiba; kaanga aron rurungaan naon taari, kaanga karongoaan te taanga ni buaka ae rangi ni korakora, kaanga b'anaan te Atua ae Moan te M'aaka. Ao ngkana a toki ni kibakiba, a manga rukumi baiia ni kiba i rarikin rab'ataia.
25Ao ngkana e toki rebwerebwen baiia ni kiba, ao I ongo te b'anaa ae e roko mai aon te b'ai are kaanga taraan annang.
26Ao i mwiina, I noora te b'ai ae kaanga taraan te kaintokanuea ae karaoaki man tabeiro, ao i aon te kaintokanuea anne bon te b'ai ae buraburan te aomata.
27Mai aon bebeena ni waerake, e bon raneanea kaanga te biti ae e mena n te ai ae e kabuebue, ao mai bebeena rikaaki kaanga taraan uran te ai. E katobibiaki te b'ai arei n oota ae e raaitiiti,
28kaanga matan Nei Wirara ngkana e kaoti n tain buakan karawa.
I a tib'a ataia b'a ngaia I a tia n noora raneanean mimitongin te UEA! Ma ngaia are, I bobaraaki ni kabooa matau ma aontano, ao I a manga rina n ongo te b'anaa ae e taetae nako iu.
Who We AreWhat We EelieveWhat We Do
2025 by iamachristian.org,Inc All rights reserved.
