1E taku Eriu:
2Iobi, e riai i roum b'a ko na taetae b'a aongkoa akea am bure
i matan te Atua?
3Tera ae I a tia ni karekea ngke I aki bure?
4N nang kaekako ma raoraom naba akanne.
5Tara karawa! Noori rietaatan taian nang!
6Ngkana ko bure ao bon akea te b'ai ae rootaki iai te Atua,
ao ngkana a m'aiti am tai ni karaoa te kaairua, tera ae na riingaki iai?
7Ko buoka te Atua ngkana ko rangi n raoiroi?
Bon akea te b'ai ae kainanoia te Atua mai roum.
8E bon rawawata raom n aomata n am bure,
ao te raoiroi ae ko karaoia, e na bon buokaki naba iai raom n aomata.
9Ngkana a karawawataaki aomata, a ngirangira;
ao a tangira temanna b'a e na buokiia.
10Ma aki rairaki nakon te Atua are te Tia karikiia,
are boni Ngaia ae anganiia te kaantaninga i nanon aia aoa aika rotongitong.
11A aki rairaki nakon te Atua, ae karaoira b'a ti na wanawana riki
nako ia manin aonteaba, ma mannikiba aika wanawana.
12A tangira buokaia ma E aki kaekaia te Atua
i bukina b'a a kainikatonga, ao bon aomata ngaiia aika buakaka.
13Bon akea uaan tangiia,
E bon aki nooriia, ke n ongo b'anaaia te Atua ae m'aaka.
14Iobi, ko taekinna b'a ko aki kona n noora te Atua,
ma tataninga ma te rau-ane E na rinanoi am kangaanga.
15Ko taku n am iango b'a E aki kakatuaa te Atua,
ao E aki tabe ma te tia bure?
16Bon akea uaan ae ko na teimatoa n taetae;
e teretere raoi b'a ko aki ata te b'ai ae ko taekinna.
Who We AreWhat We EelieveWhat We Do
2025 by iamachristian.org,Inc All rights reserved.
