Taian Areru 70 - Kiribati New Version Bible

(Ana Areru Tawita; ana b'ai aia Mataniwi taan anene; te tanginiwenei)Te Tataro i bukin Ana Buobuoki te UEA(Areru 40.13-17)

1Te Atua, Ko na kamaiuai!

Te UEA, Ko na bareiko ni buokai!

2A bia konaaki ma ni bure toroia

akana kan anaa maiu.

A bia kabirinakoaki ma te b'ainrang

akana kani kam'aruaai.

3A bia rairaki n oki nako i bukini

mamaaia te koraki akana b'ainingareai.

4A bia bane ni kakatonga

ma ni kukurei iroum akana nakoim;

A bia aki toki akana tangira am Kamaiu

ni kaangai, “Ai kakannatora te Atua!”

5I kananoanga ao e kai nanou;

Te Atua, Ko na bareiko n nako iu.

Boni Ngkoe te tia buokai ao te tia kamaiuai;

te UEA, tai tab'ara ma buokai!