Nakoaia Ibonga Taekan te boki aei - Kiribati New Version Bible

Taekan te boki aeiTe ara ae “Nakoaia Ibonga” ke “Nakoaia Kanoan Rewi” e taekinaki iai aron te UEA ao n reitanako anganakin Moote taian tua ma kaetieti. Iai rekereken aran te boki aei ma te taeka ae “Kanoan Rewi,” e nanonaki iai te aomata ae kaain te baronga are Rewi. Bon ana taani m'akuri te UEA aika tia ni kaokoroaki i bukin te Um'antabunrianna, ao ake a na riai n riki b'a ibonga bon tii mairouia ana utu nako Rewi. Angiini kanoan te boki e taekinaki iai tib'angaia ibonga ma kanoan Rewi n aron te anga karea, b'aintangira nakon te UEA, ao taian kauring nako i nanon te aro. Ma bon iai naba n te boki aei taian tua i bukiia maan ake a na konaa ni kanaki, baikara aika a riai ni kamanenaaki b'a te kunnikai, ao aron m'annanoakiia aomata aika a maiu ni kainano.Angiini kanoan te boki bon taian tua, ma bon iai tabeua karaki aika a taekinaki iai b'aai aika a riki ngkana a aki ongotaeka aomata ke ibonga nakon ana Kaetieti nako te Atua. E waekoa te Atua ni katuaaia akana a kamangao, ma E boni karaoa naba te berita nakoia aomata aika a ongotaeka n aron aei:N na nakonako ma ngkami-N na riki b'a Atuami, ao kam na riki b'a au Aomata. Bon te UEA Ngai ae Atuami, ao I kamaiungkami mai Aikubita, b'a kam aonga n aki manga tautoronaki. I a tia ni kainaomataingkami; ao ngkai kam na nakonako n tabeki atuumi.(26.12,13)Oi n iango i aon te boki aeiTuua i bukin te angakarea (1.1—7.38)Katabuaia ibonga (8.1-36)Ana moan angakarea Aaron (9.1-24)Tiringaia ibonga aika uoman (10.1-20)Tuan b'aai aika itiaki ma aika baareka (11.1—15.33)Te tua i bukin te bong ni kab'arabure ae e kakannato (16.1-34)Tuani b'aai aika kakaokoro (17.1—20.27)Tuua ake a iri ibonga (21.1—22.33)Kaetieti i bukin taian toa n aro (23.1—25.55)Te kakab'aia ma te tuua (26.1-46)Tuan taiani berita ao taiani karea nakon te UEA (27.1-34)