1Bon te rooti ngai
man te aba are Tiaron,
kiebun te m'arua.
E taku Teuarei:2Raou ae e tangiriko, ngkana ko kabootauaki
ma ataeinaine ake tekorakina,
ao bon te kiebu ngkoe i buakon kaai aika a kateketeke.
E taku Neierei:3Ao ngkoe, au tangira,
bon te kai ae te aaboro
i buakon kain te buakonikai.
E anganai te kukurei nuum;
ao a karewerewe uaam.
4Ko kairai nakon am ru i bukin am baka n am'arake
ao ko kab'aroa am tangira.
5Karina angiu ao kakorakoraai
n taian kam'au ni kureebe ao taian aboro.
I b'arua te tangira!
6Kawenea baim te maing i aan atuu
ao rab'atai
ni baim are te atai.
7Ataeinainen Ierutarem,
kam na berita nako iu ni m'aakan
te ria ma te anterobe
b'a e na aki kautaki te tangira
i m'aain tauraoina.
E taku Neierei:8I ongo b'anaan
te aomata ae I tangiria,
ngke e tabe n eweewe
i aoni maunga ma tabuki
9kaanga te ria ke te anterobe.
Ao ngkai e a tei i tinanikun ara oo,
ni kaninganinga man te winto
10man taetae nako iu.
E taku Teuarei:Raou ae e tangiraki, I tangiriko!
Ti a airi n nako.
11E a toki tain te kam'aitoro,
e a tia n toki te karau;
12a rabuna aon te aba taiani uee,
bon tain te anene.
E ongo te aba b'anaaia
taian taobe i abara.
13A uaa taian biiku,
ngkai a uee taiani kureebe
ae a kianako boia i nanon te ang.
Raou ae e tangiraki, I tangiriko!
Ti a airi nako.
14Bon au taobe ngkoe
ae raba i buakon taiani b'a
i rarikin katatin te aba.
Kariaia b'a N na noora kanikanim!
Kariaia b'a N na ongo b'anaam
ae e tangiraoi.
15A uee ara kureebe;
ti na riai n rawei taiani kameanti aika a uarereke
aika a aki toki n tiring arokara kureebe.
E taku Neierei:16Raou ae e tangiraki, Am b'ai ngai,
ao au b'ai ngkoe,
ngkai ko kaam'arakeia am tiibu
i buakon taiani kiebu.
17Kaanga aongkoa te ria te teei ngkoe
ae e m'am'aie i aon raabeen nako te maunga
ni karokoa rokon te ngaina
ma ni mauna nako te roo.
Who We AreWhat We EelieveWhat We Do
2025 by iamachristian.org,Inc All rights reserved.
