Iotua Taekan te Boki aei - Kiribati New Version Bible

Taekan te Boki aeiTe Boki aei e aranaki i mwiin Iotua, are e a tia n rineaki iroun te Atua b'a e na kairiia tibun Iteraera i mwiin maten Moote. Te boki aei e kab'arab'araa aroia Iteraera ni kataenikaia Kanaan i aan ana kairiri Iotua, ao n tib'aua te aba nakon barongan Iteraera ake tengaun ma uabaronga. Ngkana a botaki Iteraera n ongeaba nakon te UEA, ao ana kona n ekaanako kaawan Kanaan, ao bon taabo naba ake a matoatoa ooia n aron Ieriko. Boni i m'aain rikin Kanaan b'a e na tauaki i aan ana tararua Iteraera, ao te UEA e a kaman tuanga Iotua b'a e na tib'aua te aba are i maeaon te karaanga are te Ioretan nako ia baronga ake tengaun ma uabaronga. E toki te boki aei ma ana taeka ni karaure Iotua. I nanon ana maroroo aei, ao e kaungaia aomata b'a ana teimatoa ni kakaonimaki nakon te UEA. Ao ngkanne, n te bowi ae kakawaki i Tekem, ao Iotua e kaungaia aomata b'a ana kabooui aia boraraoi n taromauriia te UEA n akea riki te Atua i rarikina.Oi n iango i aon te boki aeiKataenikaian Kanaan 1.1—12.24

Tib'atib'aakin te aba ni berita 13.1—21.45

a. Te aba i mainikun te Ioretan 13.1-33

e. Te aba i maeaon te Ioretan 14.1—19.51

i. Te kaawa ni katantan 20.1-9

o. Aia kaawa Ibonga 21.1-45

Baronga ake i mainiku a okira aia kaawa 22.1-34

Ana taeka ni karaure Iotua 23.1-16

Kaboouan te berita i Tekem 24.1-33