Tekaria 14 - Kiribati New Version Bible

Te Buaka Ao Te Tokanikai

1E na bon roko ana bong te UEA. Ao ngkana e roko, ao a na kaokaki b'aai ni kabane ake a anaaki mai Ierutarem ma n tib'aaki i marenaia kaaina.

2Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.

3E na buakan taian botannaomata aikai te UEA kanga ai aron te tia buaka ae e un i nanon tain te buaka.

4Ao E na tei i aon te Maunga are Oriweta i mainikun Ierutarem, ao e na bwenauaaki te maunga nakon uaitera, ni karaoa te m'arua ae warebwerebwe ae e biri mai mainiku ni wairio.

5Ao ane a na biri nako aomata man Ana maunga te UEA, ri nanon te m'arua aei, are e roota Atere. Ane ko na biri nako n taabo nako, n aroia aomata nako ngkana a oreaki n te m'aiei i nanon ana tai ni uea Utia i aon Iuta. Ao i mwiin anne, E na kaoti te UEA ae Atuau ma Ana anera aika a tabu.

6E na riki b'a te bong ae e raneanea ae e na aki manga nubono,

7Ao E a tia ni baaireia te UEA te tai are e na koro iai bukina-tain te bong ae akea tokina aei.

8I nanon bongin te aumaiaki ma te aumeaang, e na raanga te ran are e anga te maiu mai Ierutarem, ao iterana mairouia a na raanga nakon Taari are Mate i maiaki ao iterana e na raanga nakon Taari are te Mereterenian i maeao.

9Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

10Mai Keeb'a rikaaki nako Rimmon

11i maiakin Ierutarem, e na onikaki te aba ae b'anin nakon aaba aika a boraoi, ao ti Ierutarem ae e bura i aoia. Ao i mwiina, e na on te kaawa irouia aomata, man te Mataroa are Beniamin, ana Tabo Te Mataroa Nikawai, ana taua Ananera ni m'akoron te kaawa are meaang mainiku i aon te Mataroa are Koona i meaang maeao ao rikaaki nakon ana tabo ni kamanti wain te Uea i maiaki. E na teimatoa ni mano raoi Ierutarem n taai nako ao e na aki manga uruanaki.

12Aio te b'ai ae E na karaoia te UEA nakoia aika a buakana Ierutarem: ngkana a tei ikekei, e na kam'aungi irikoia ao a na b'aka reben kanoan mataia ni kabane mai mataia ao e na nna nako neweia n oti nako.

13E na karangirangiia te UEA ao a na manga buaka i bon irouia,

14ni karokoa te tai are a manga bon rairakiia ake a mena i Ierutarem kaain Iuta.

15E na oreia naba maan te kabuanib'ai naba aei, n reitaki ma taian aoti, miure, kamero, ao taian aati. N tokina, a na bane n rikoaki b'aai nako aika a kakaawaki mairouia botannaomata nako ma ni uotaki nako Ierutarem-koora, tirewa, ao taiani b'ariko ni kunnikai.

16Ao i mwiina, naake a tiku b'a nikira ni maiu man aaba ake a buakana Ierutarem a na nako ikekei ni katoa ririki n taromauriia te UEA ae moan te m'aaka, ma n ira kauringaan te Toa ae M'aanga ni kaai.

17E na bon aki b'aka te karau i aon aban te aomata ane e rawa n nako Ierutarem n taromauria te Uea, te UEA ae Moan te M'aaka.

18Ngkana a rawa kaain Aikubita ni bukamarua te Toa ae M'aanga ni kaai, ao ana manga oreaki n te aeka n aoraki are e na kanakoa te UEA nako ia aomata ni kabane ake a rawa nako.

19Bon aio te katuua ae na b'akariia kain Aikubita ma aomata nako n aaba nako ngkana a rawa ni bukamarua te Toa ae M'anganikaai.

20Ao n te tai anne te taeka ae “Ana B'ai Te UEA” e na koreaki nib'aaki i aon taian beero ake a mena irouia taian aoti. Ni koauana raoi, taian b'aata ni kuuka n aki akaaka i Ierutarem a na riki n tabu b'a a na b'ai te UEA ae Moan te M'aaka n ai aron taiani boora ake a kamanenaaki n te baonikarea.

21A bane ni kariaiakaki i bukin kaburoan te iriko ni man ake a kamanenaaki i bukin te karea, ao e na aki manga kainanoaki kabonakoan b'aata ao boora aika a kaokoroaki.