1.Rongorongo 7 - Kiribati New Version Bible

Ana Kariki Itakara

1Itakara bon tamaia naati m'aane aika aman: Tora, Buwa, Iatuba, ao Timron.

2Tora bon tamaia Uti, Reb'aia, Ieriera, Iamai, Ibetam, ao Temuera, ake bon taani buaka aika a ninikoria ao bon taani kairiiri naba man aia utu n aia kaainga. Bootan m'aitiia kaain ana utu Tora bon 22,600 n te tai are e riki iai Tawita b'a te uea.

3Uti bon tamaia Itiraia ao tibuia Mikaera, Ob'aria, Ioera, ao Itiia te unim'aane, ake bon taani kairiiri naba man taiani utu.

4E bon rangi buubura naba aia utu n te aro are m'aitin aia taanga ni buaka n aia kaainga bon 36,000.

5Ni koauana raoi n aron are e tauaki mwiina n rongorongon aia utu, bootaia ana taani buaka te baronga are Itakara bon 87,000.

Ana Kariki Beniamin ao Taan

6Beniamin bon tamaia naati m'aane aika teniman: Bera, Bekera, ao Ieriaera.

7Bera bon tamaia Etibon, Uti, Utiera, Ierimota, ao Iri. Bon taani buaka ngaiia aika a ninikoria ao taani kairiiri naba n aia utu n ana kaainga tamaia. M'aitin aia tautia n aia kaainga bon 22,034.

8Bekera bon tamaia Temira, Ioati, Erietera, Erioenai, Omri, Ieremota, Abiia, Anatota, ao Aremeta.

9N aron are e oti n Rongorongon aia utu bon 20,200 m'aitiia tautia i nanon te kaainga aei, ao ai uana naba ma taani kairiiri man taian utu.

10Ieriaera bon tamaia Birean ao tibuia Ieuti, Beniamin, Euta, Kenaana, Tetan, Taretiti, ao Aitia te unim'aane.

11Bon taani kairiiri ngaiia n aia man aia utu n aia kaainga, ae m'aitin te tautia aika a taubobonga nakon te buaka bon 17,200.

12Ira bon tamaia Tubim ao Ubim, are bon kaain te kaainga aei.

Taan bon taman Utim.

Ana Kariki Nabetari

13Tinan Nabetari bon Nei Birea, ao bon taman Iatiera, Kuni, Ietera, ao Tiarum.

Ana Kariki Manate

14Aia karo Atiera ao Makira are taman Kireata bon Manate ao buuna are ainen Turia.

15Ao Makira e karekea buun Ubim ao Tubim. Ao iai m'anen Makira ae arana Nei Maaka.

Bon ana kariki naba Manate teuare Terobeata, ao iai niiman natina aine.

16Makira ma buuna are Nei Maaka bon aia karo Bereti ao Tereti. Bereti bon tamaia Uram ao Rekem.

17Uram bon taman Betan. Aikai ni kabane ana kariki Kireata, are natin Makira te m'aane ao tibun Manate.

18M'anen Kireata are Nei Ammoreketa bon tinaia Itiota, Abietera, ao M'aara.

19Temita are temanna naba mai buakoia ana kariki Manate bon ngaia tamaia Aian, Tekem, Riki, ao Aniam.

Ana Kariki Eberaim

20Eberaim bon taman Tutera ao aia bakatibu Bereta, Taata, Ereata, Taata,

21Tab'ata, ao Tutera.

Bon iai riki natin Eberaim aika uoman m'aane, aika Etera, ao Ereata. Ma a kaai n tiringaki ngke a kataia n iraei aia man aomata ake a maeka n te aba are Kata.

22Ao e tanginiwenei Eberaim i bukiia natina m'aane aikai n te tai ae e maan, ao a roko ana koraki ni karaua nanona.

23N te tai teuana rimwi riki ao e a manga bungiia te nati te m'aane buuna, ao e aranna Eberaim b'a Beria, i bukina ngke e bungiaki i nanon te tai n rawaawata.

24Natin Eberaim te aine bon Nei Teera. Bon ngaia are e katei kaawan Beta Oron inano, Beta Oron ieta, ao Uten-Teera.

25Bon iai naba natin Eberaim te m'aane ae arana Reb'a, ao ana kariki bon Reteba, Tera, Taan,

26Ratan, Ammiuta, Eritiama,

27Nun, ao Iotua.

28A taua te aba are mai Betaera nako Naaran, ao ni wairio nako Ketera. A reke naba n abaia kaawa aika a uarereke ni kabane ake i rarikin kaawa, ao ai uana naba ma Tekem, Aiia, ao kaawa aika a uarereke ake i rarikiia.

29Aikai aaba ake a reke i nanon te aaba are a tekateka iai ana kariki Manate: Beta Tean, Tanaaka, Mekito, Tora, ao kaawa aika a uarereke ake a kaan.

A maeka ana kariki Ioteb'a ni kaawa aikai ao kaawa naba aika a uarereke aikai.

Ana Kariki Atera

30Bon iai natin Atera aika aman m'aane aika, Imna, Itiwa, Itiwi, ao Beria, ao temanna natina te aine ae Nei Tera.

31Beria bon tamaia Ebera, Marekiera are taman Biretaita.

32Ebera bon iai natina m'aane aika teniman aika, Iabereta, Tiomera, ao Otam, ao temanna natina te aine are Nei Tiua.

33Iabereta bon tamaia B'ataka, Bimara, ao Atiwata.

34Temera bon tamaia Ai, Roka, Ieub'a, ao Aram.

35Ao tarin Iabereta are Otam bon tamaia Tob'a, Imna, Tereti, ao Amara.

36Tob'a bon tamaia Tua, Arenebera, Tuara, Beri, Imra,

37Betera, Ota, Tiamma, Tireta, Iteran, ao Beera.

38Ietera bon tamaia Iebunne, Bitiba, ao Ara.

39Ura bon tamaia Ara, Anniera, ao Ritia.

40Aikai ana kariki Atera, ao bon taani kairiiri ngaia n aia utu aika a mwiokoaki ao tautia naba ngaiia aika a ninikoria. Bootan ana tautia te baronga are Atera bon 26,000.