1Te UEA, I tataro nakoim;
2Atuau, I onimakiniko;
Buokai b'a N na aki mamaa ni konakiu;
Tukiia aiau b'a a na aki b'ainingareai.
3A aki kona ni konaaki akana onimakiniko irouia aiaia;
ma ti te koraki ake akea nanoia b'a ti te kan ekiko nako.
4Te UEA, Ko na kaoti arom nako iu;
Ko na reireiai kawaim nako.
5Reireiai b'a N na maiuakina am Koaua,
B'a Atuau Ngkoe ae Ko kamaiuai.
I aki toki n onimakiniko.
6Te UEA, ururing arom n akoi ma n tangira
ake ko a tia ni kaotii ngkoangkoa.
7Kab'arai au bure ake I karaoi ngke te kairake ngai.
Te UEA, ururingai n ai aron am Tangira
ae teimatoa ma am Raoiroi!
8I bukina b'a E raoiroi te UEA, ao E eti;
E reireiia taani bure te kawai ae a riai n iria.
9E kaiririia akana nimamannei n te kawai ae eti,
ao E reireiia nanona.
10N ana kakaonimaki ma ana tangira E kaiririia
ake a kawakina ana boraraoi ma akana ongeaba nakon ana tua.
11Kawakina am berita, Te UEA, Ko na kab'ara au bure
B'a a bati au bure.
12A na reireiaki iroun te UEA akana ongeaba i rouna,
Te kawai ae a riai n toua.
13A na bati ni kakab'aiaki,
ao a na abana te aba aia kariki.
14Te UEA bon raoraoia akana ongeaba i Rouna,
Ao E karaoa ana boraraoi ma ngaiia.
15I mwiokoa te UEA b'a Ngaia buokau n taai nako;
Ao Ngaia ae na kamaiuai man te kanganga.
16Te UEA, tani mai nako iu, ao nanoangaai,
B'a I maroaa ao I kananoanga.
17Kabebeteai man raraomau,
ao kamaiuai mani kainanou.
18Ko na mutiakin rawaawatau ma marakiu;
ao kab'arai au bure ni kabane.
19Noriia aiau, ai batiraa!
Ao ai batiraa ribakiu irouia.
20Kamanoai ao kamaiuai.
Kawakinai b'a N na aki konaaki,
ngkai nneu ni kamaiu Ngkoe.
21I ongotaeka iroum ma nanou ni koaua,
Ao I onimakiniko, n ataakina
b'a Ko na kamaiuai.
22Te Atua, kamaiua am Botannaomata ae Iteraera
man rawawatana ni kabane.
Who We AreWhat We EelieveWhat We Do
2025 by iamachristian.org,Inc All rights reserved.
