1Te UEA, buokira!
A bane n akea
aomata aika raoiroi;
ma aika kakaonimaki naba.
2Akea ae e na aki kewea raona:
A keweia raoia n taeka ni karang.
3Te UEA, katokiia aomata man aia taetae ni karang,
Ao kaini wii ake a taetae ni kainikatonga, ake a kaangai,
4“Ti kareke baika ti tangiri man rabakaura n taetae.
Taan taetae ngaira aika ti b'aakuaku,
ao akea i aora.”
5E kaangai te UEA, “N na teirake ngkai,
b'a a karawaawataaki kainano
ao a maraki taani b'ainikiriinaki.
N na anganiia kamanoaia are a kaman tatangitangiria.”
6Ana taeka te UEA bon taeka aika a kakoauaaki;
ai aron te tirewa are kaburoburoaki
itiua te tai m'aitina i nanon te nne ni kanaiai.
7Te UEA,
kawakiniira ao kamanoira,
mairouia aomata.
8B'a te koraki aika buakaka,
aika a aiwaa n aki akaaka
a kamoamoaai taekani baika a bubuaka
ake a karaoi aomata.
Who We AreWhat We EelieveWhat We Do
2025 by iamachristian.org,Inc All rights reserved.
