1Ao i mwiina, ane a na kenaki riia uean Iuta ao aia mataniwi, n ikotaki ma riia ibonga, burabeti, ao aomata ni kabane ake i Ierutarem
2ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.
3Iai i buakomi kaain Iuta aika a na tiku ni maiu, ma N na kairoroingkami b'a kam na nako abaia ianena, ao ane kam na tangiria riki ni mate. Bon aei au taeka Ngai ae te UEA.
A Toua Te Kawai Ae E Bure Aomata4E taku te UEA:
Kaain Ierutarem,
kam na manga teirake
ngkana kam tatanako ma ni b'aka,
ao ngkana e bure kawaimi, kam na manga rairaki n oki.
5Ma ngaia are, e aera ngkai kam rawa
n oki nako iu?
E aera ngkai kam baimatoai
antimi ni kewe?
6I rangi ni kakauongo raoi,
ma bon akea temanna ae e roko n te namakinna
b'a e a tia ni karaoa ae e bure.
Ao kam ira nako te kawai ae e kaairua
n aki karaua n iangoia raoi
kaanga taanga ni buaka ake a toka i aoia aoti
aika a biri nakon te buaka.
7A ataa te tai ni kiba nako
i bukin te tai ni kam'aitoro
maan aika taian taoki, taian taobe, taian tuwaaro,
ao taian kureen
ao ni manga kiba n oki.
Ma kam aki ataa te b'ai ae I tangiria
ngkami aika Au aomata.
8Kam taku, “Ti bon wanawana
b'a iai taeka n reirei
ao ana tua te UEA.”
Ma I taku b'a a tia n rairi Au taeka ami tia reirei
nakon taiani kewe!
9A a tia ni katinanikui baika I taekin
ami taani wanawana,
ai ngaia are, akea wanawanaia.
A riai ni kam'aneaki ngkai
ma ni kamaamaaeaki;
a aki ataa te b'ai ae a riai ni karaoia.
10N na anga buuia ma aia tawaana
nako ia ianena.
A a bane n nanonrang ao n aki raoiroi aomata nako,
te kainano ke te kaub'ai.
Bon akea naba onimakinaia
burabeti ma ibonga.
11Ti te b'ai ae a anga nako ia
Au aomata aika ikoaki kaakaiaki
bon kantaningaan te raoi ae akea nanona.
12A na riai ni kamaamaaeaki
i bukin aia bure aika a rangi n ribaaki,
ma a bon aki roko n te bwerengaki.
Ai ngaia are ngke I katuaaea Iuta, a na bane ni b'aka i aon te tano,
ni mate kaanga aroia aomata ni kabane.
13N na kamaunaia,
Bon taiani kureebe ngaia aika akea uaaia;
taiani biiku aika akea uaaia ke baaia.
Bon akea te b'ai teuana ae a tia ni karaoia
ni b'aai ake I tuangiia!
Bon aio au taeka Ngai ae te UEA.
Tuaaia Aomata14A taku i bon irouia
kaain Iuta,
“Ao tera ae ti a tataningaia?
Ti riai ni biri rikaaki nakon kaawa ake iai ooia
ma ni mate ikekei.
Ti a tia ni kakaitaraa te UEA,
ao motikan taekara bon te tiringaki
ni kamooaki n te boitin.
15Ti a tia ni kantaninga te rau
ma te tai ni kamaiu,
ma bon akea te b'ai ae ti karekea b'a ti b'aai aika a kakamaaku.
16A a tia ni roko ara kairiribai
ni kaawan Taan ake i meang,
ao ti a maaku
n tangitangin ikeiken aia aoti.
A na kamaunaa Ierutarem
ma ara botannaomata ni kabane ara kairiribai.
Bon akea temanna ae e na reke maiuna.”
17E taku te UEA, “Taratara nako!
I kanako ia naeta aika a kamamate
b'a a na buakaningkami,
Bon akea temanna ae e konaa ni katokia.”
Tangin Ieremia i bukiia Ana Aomata18I taonaki n te rawaawata
kaanga e a b'ara nanou.
19A tang au aomata
i abaia ianena.
Kakauongo! Ane ko na ongo aia taeka ae e kaangai,
“E a tia te UEA ni kiitana Tion?
E a aki Uea iai?”
Ao I ongo ana kaeka te UEA ae e kaangai,
“E aera ngkai kam kaunai
n taromauriia bouannanti aika akea manenaia?”
20A ngurengure aomata ni kaangai,
A tia n roko
bongin te kam'aitoro ma te kabuebue,
ma e tuai mani
kamaiura te UEA.”
21E rawawata nanou
b'a a kamanatuaaki au aomata.
Ao I maaku ao I tang.
22E aera ngkai a tuai man kamaiuaki au aomata
ngkana iai taiani b'ainaoraki ma taokita
i Kireata?
Who We AreWhat We EelieveWhat We Do
2025 by iamachristian.org,Inc All rights reserved.
