1Te Atua, nanoangaai, b'a akea
tokin am Atataiaomata!
Kaitiakai man au bure, b'a e
bati am Nanoanga!
2Tebokai raoi b'a I aonga n itiaki man au bure,
ao kaitiakai man arou aika buakaka!
3B'a I atai arou aika buakaka,
Ao e aki kona ni bua iangoan au bure.
4I a tia ni bure nakoim n ti Ngkoe,
Ao I a tia ni karaoa ae buakaka i matam.
Ma ngaia ae Ko eti ni motikan taekau,
Ao akea burem ni kabuakakaau n am Moti.
5I aki inaomata man te bure ma ngke I bungiaki;
I a kaman rotaki n te bure ngke I bikoukouaki.
6Ko tangira te nano ae b'ab'aina te eti ma te koaua;
Kaonai ni wanawanam.
7Kaitiaki au bure mairou, ao I a itiaki iai.
Tebokai, ao N na mainaina riki i aon te tinoo.
8Kaongoraeai ni b'anaan te kim'areirei ma te kukurei;
e ngae ngke Ko karawawataai,
Ma N na boni manga kim'areirei.
9Karabai matam man au bure nako,
Ao kamaunai arou nako aika bubuaka.
10Te Atua, karika nanou ae itiaki,
ao kabooua Tamneim ae kakaonimaki i nanou.
11Tai kanakoai mai matam,
Ao tai kaira nako Tamneim ae Raoiroi mairou.
12Manga kaoka nako iu te kim'areirei are reke man am Kamaiu,
Ao karaoa ae N na kan ongeaba iai nakoim!
13N na reireiniia taani bure am Tua,
Ao a na rairaki nakoim.
14Te Atua, ae te Tia Kamaiuai, kawakinai man te bure ae kakaiaki,
Ao N na kim'areirei n tataekina raoiroim.
15Buokai b'a N na taetae,
Ao N na neboiko.
16Ko aki tangira te karea;
ngkana tao Ko tangiria ao I a anganiko;
Ko aki kukurei n te karea ae kabuokaki.
17Au karea bon te tamnei ae nanorinano, Te Atua;
Ko aki riba te nano ae uruaki ae raraoma.
18Te Atua, kaota am Atataiaomata nakon te kaawa ae Tion, ao buokiia;
Manga katei nonon Ierutarem.
19Ao Ko a tib'a kukurei
iai ni karea aika riai,
Ao ane a na kareani kaom'aane
i aon am baonikarea.
Who We AreWhat We EelieveWhat We Do
2025 by iamachristian.org,Inc All rights reserved.
