1N na karaoiroa te UEA ni maiu,
te UEA ae Atuau, ai kakannato ra Ngkoe!
am B'ai te karineaki ma te mimitong;
kanga ai aron ae Ko kunnikaiko iai.
2Ko otab'aniniaki n te oota b'a kanga niniram.
Ko taakina karawa b'a kanga te roki.
3Ko katea mwengam i aon raan ake i etani karawa.
Ko kabonganai naang b'a am kaanibuaka,
Ao Ko m'am'ananga ni bain te ang.
4Ko kabonganai aang b'a taan ua-rongorongo i bukim;
Ao kiakianakon ootan te iti b'a am Tia m'akuri.
5Ko katea aonnaba i aoni bouana,
ao e na tei n nene ni matoatoa iai n aki toki.
6Ko rabuna aon aonnaba ni marawa
b'a kanga te kunnikai ae taangaki ni bangaki i etani maunga.
7Ngke Ko boai raan, ao a teteke nako;
a raanga nako ni b'anaam ae kanga ai aron rebwen te baa:
8A ri aoni maunga ao a ri nanoni m'arua
nakon te tabo are Ko katauraoia i bukiia.
9Ko katei tiaia, b'a a na aki manga ri aona;
B'a a aonga n aki manga rabuna aon te aba.
10E karaanga nako raan aika koburake nako nanoni m'arua;
A raanga nako i marenani maunga.
11A bane ni moi iai maan aika aki manana;
A katoki takaia iai aati aika aki manana.
12A maeka mannikiba ni kaai ake i rarikiia;
Ao a tatangitang mai aoni m'aangaia.
13Ko kab'aka te karau nako aoni maunga mai karawa,
Ao e kaonaki aon te aba n te kab'aia mai Roum.
14Ko kamaiu uteute b'a kanaia maan,
ao te aroka b'a e na ribanaaki iroun te aomata,
B'a e aonga ni karekea te am'arake mai aontano,
15Ma te wain i bukini kakukureian nanona,
Ma te b'aa b'a e na kabira ubuna iai ni kamaraberabea,
Ma te am'arake b'a e aonga ni marurung iai.
16E bati te ran ae a tebotebokaki
iai arokan te UEA, ake kaai ake tiiran Reb'anon, ake E uniki.
17A katei ngaoia iai mannikiba;
E reke nen te mannikiba ae kanga
te kaai ni kaai aika ai aron te burukam.
18A reke mwengaia kooti aika aki
manana ni maunga aika ririeta,
Ao a kona maan aika uarereke ni
karabaia i marenan atibu aika buburakaei.
19Ko karika nam'akaina b'a b'aini baireani boong;
Ao e ataa ana tai ni bung taai.
20Ko karika te roo, ao a bane n oti nako
manin buakonikai n te bong.
21A bekorara raian ataei n aia tai ni kaae konaia:
A ukoukori kanaia ake E katauraoi te Atua i bukiia.
22A oki ni wene n aia tabo
ngkana e a oti taai;
23Ao a nako ngkanne aomata ni karaoi aia m'akuri;
ao a m'akuri ni kabongnga.
24Te UEA, ai batiraa am M'akuri!
Ko a rabakau ra ni karaoi!
A on aonnaba ni baika iai te maiu iai.
25Arei marawa ae ab'ab'aki ao n raababa,
ike a mena iai baika maiu aika moan te m'aiti kurikuri,
Aika uarereke ao aika ab'ab'aki.
26A boborau iai kaibuke;
E mena iai Rib'aietan,
manin taari ae korakora are Ko karaoia;
are E tebetebe i taari.
27A bane ni kaantaningaiko
b'a Ko na angania kanaia n te tai are a kainanoia.
28Ko angania kanaia ni baim
ao a am'arake
ni karokoa ae a rauaki.
29A maaku ngkana Ko tan nako;
A mate ngkana Ko motiki ikeia,
Ao a manga okira te tano are a nako mai iai.
30Ko karikiia ni kabane
iroun Tamneim,
ao Ko angan te aba
te maiu ae boou.
31Ke e aki toki mimitongin te UEA!
ke E kim'areirei te UEA ni baika E a tia ni karaoi!
32E tara aonnaba, ao e m'aeiei;
E riingi maunga, ao e ti rake te bubu.
33N na anene nakon te UEA ni karokoa tokini maiu;
N na anenea karaoiroan Atuau ngkai iai irou te maiu.
34E bia kukurei n au iango,
ngkai kukureiu boni mai Rouna.
35A bia kamaunaki taani bure mai aon te aba;
A bia akea aomata aika buakaka.
Karaoiroa te UEA, tamneiu!
Karaoiroa te UEA!
Who We AreWhat We EelieveWhat We Do
2025 by iamachristian.org,Inc All rights reserved.
