Te Tua-Kaua 17 - Kiribati New Version Bible

Taian Karea Ake Iai KaairuaiaAo e taku Moote nakoia Iteraera:

1Ngkana iai nakobuakan rab'atan te kao, ke te tiibu, kam na aki anga b'a ami karea nakon te UEA ae Atuami. E na bon aki kukurei nanona iai.

Tiringakiia Aomata Aika Taromaurii BouanantiAo e taku Moote nakoia Iteraera:

2-3E anganingkami ami kaawa aika kam na maeka iai te UEA. Ma n te tai teuana rimwi, ao iai tabeman ane a na manga waakina taromauriaia atua riki tabeman, ni karokoa a na bon taromauria naba taai, nam'akaina, ke taian itoi. I a tia ni kauringngkami b'a kam na aki taromauriia atua riki tabeman, b'a ane taromaurii, ao e aki ongotaeka iai nakon te UEA, ao e urua te boraraoi are E a tia te UEA ni karaoia ma ngkami.

4Ma ngaia are, ngkana kam ongo b'a iai temanna n ami kaawa ae e karaoi buure aika rangi n ribaaki aikai, ao kam na riai ni kakaea raoi koauana b'a e boni bure ke e aki.

5-7Ma kam na riai ni karekeia taani kakoaua aika uoman nakon te teniman, b'a e aki tau te tia kakoaua ae ti temanna ni kakoauaa buren te tia bukinaki.

Kam na iangoi aroia aomata aika karaoi aekaki ni bure aikai ni kamaunaia. Kairiia nako mataroan ami kaawa ao tuangiia aomata ni kabane b'a a na karebanaia ni karokoa mateia. Ma a na moani kare aomata ake taani kakoaua.

Taian Bure Aika Matoatoa baaireaiaAo e taku Moote nakoia Iteraera:

8-12Ane e na boni kangaanga n tabetai karekean te koaua n taiani bure tabeua n ami kaawa. Ane e na kangaanga iroumi kanakoan ami moti, ngkana iai ae mate n te kabuanib'ai, ke e bon tiringaki. Ke ane kam na aki kona n taekinna b'a e ikoaki ke e uruaki ana b'ai temanna iroun temanna n tiaki te nano ke bon te nano. Ngkana e rangi ni kangaanga iangoan te bure anne, ao kam na uotia nakon te tabo are E a tia n rineia te UEA ae Atuami b'a E na taromauriaki iai.

E na kaainaki te bowi aei iroun temanna te tia moti, ao tabeman taian ibonga ake a m'akuri n ana Baonikarea te UEA. A na kab'arab'araa te tua nakoimi ma n anganingkami aia moti i bukin te bure anne. Kam na karaoi b'aai ni kabane akana a tuangingkami, b'a kam kaawa n tiringaki.

13Ao ngkana a ongotaeka tabeman Iteraera, ao ane a na maaku, ao a na iri nanon taiani moti man te kabowi aei.

Te UEAAo e taku Moote:

14Kaain Iteraera, i mwiin tauan te aba are E anganingkami te UEA, ao i mwiin naba tekatekami iai, ao ane kam na kaangai, Ti tangira karekean te uea, n aekakiia botannaomata aika i rarikira.

15Kam na waakinako n rinea ami uea ma kam na riai moa ni kakoaua b'a boni Iteraera te aomata anne, ao e na riai naba n rineaki iroun te UEA.

16E na aki riai ni m'aiti ana aoti te uea, ma ai moaraara riki taian aoti mai Aikubita. B'a E taku te UEA b'a akea ae na manga okira riki Aikubita.

17E na aki riai naba te uea ni kam'aita buuna, b'a ane a na kab'aka man ana kakaonimaki nakon te UEA. Aine aikai a manga bon tangira naba taromaurian antiia, ao a tangiria naba buuia b'a a na karaoa naba arei. Te kabanea, e na aki kataia te uea n kabatia ana tirewa ma ana koora.

18E na kaawakinaki katotoon ana Tua te UEA irouia taian ibonga ake te baronga are Rewi. Ma ngaia are, n te tai naba are e uea iai temanna, ao e na riai n nakoia ibonga ma ni korea te katoto man taian tua aikai ngke a tabe n tarataraia ibonga.

19E na wawareki taian tua aikai te uea ni katoa bong ao ni karaoi nanoia, b'a e aonga n reireinna aron taromaurian te UEA ma n ruru ni maakua

20ao e na aki iangoia naba b'a e raoiroi riki nakoia aomata nako.

Ngkana e ongotaeka te uea nakon ana Tua te UEA, ao e na tautaekana Iteraera ma kanoana i nanon ririki aika bati.