1.I-Korinto Taekan te Reta Aei - Kiribati New Version Bible

Taekan te Reta AeiE a korea ana moa n reta B'auro nakoia I-Korinto b'a e na buoki n taobarai taiani kanganga ake a taonaki iai. N te tai are e koroboki iai B'auro ao te kawa ae Korinto bon te kawa ae kakannato irouia I-Erene, i bukina ngkai boni kawan atun te tautaeka n Rom i Akaia, ao a m'aiti aomata n aekaia nako ake a maeka iai. E rangi n ataaki Korinto i bukin te aro ni bitineti ma karikirake aika bati i aona, ao i bukin te aro ni maiu ni kaib'ab'aru, ma Aaro ni beekan aika bati iai.Baika a rangi ni katabetabeaki iai ana iango B'auro ngke e korea te reta aei, bon te bwenaua i nanon te ekaretia, ma katei ni maiu ni kaib'ab'aru aika noraki ni maiuia kaaina tabem'aang, ni botaki naba ma kanganga aika riki i marenan te m'ane ma te aine; e tabe naba ma kanganga n te maiu n iein, ma baika a kaeti ma mataniwin te nano, ma te aro ni kairiri n te ekaretia, ma b'aai n tituaraoi ake mairoun te Tamnei are Raoiroi, ma taekan te manga-maiu man te mate. E a katereterea ana kaeka te Euangkerio nakoni kanganga aikai.Te m'akoro 13, ae taekinaki iai taekan te tangira b'a te kabanea n tamaroa ni b'ai n tituaraoi mairoun te Atua nakoia ana aomata, tao bon te m'akoro ae rangi ni bati n ataaki riki n te boki aei.Oi n iango i aon te boki aeiAna Kamauri ma ana tataro B'auro 1.1-9

Te Bwenaua i nanon te Ekaretia 1.10—4.21

Te Maiu ni Kaib'ab'aru ao te maiu n utu 5.1—7.40

Aomata aika Kristian ao Beekan 8.1—11.1

Te Maiu n te Ekaretia ao te Taromauri 11.2—14.40

Manga-utin Iesu man te Mate ao Manga-maiuia taan onimaki 15.1-58

Te B'aintangira i bukiia Kristian i Iutaia 16.1-4

Baika a kaeti ma Taekaia Aomata ao Taeka ni Kamauri 16.5-24