Itaia Taekan te boki aei - Kiribati New Version Bible

Taekan te boki aeiE taetae Itaia i bukin te UEA nako ia aomatan Iuta i nanon aia tai n tautaeka uea aika aman i aon Iuta. I mwiin te tai ae abwi te ririki, ao e rikirake ni buubura te tautaeka n Aturia. A bootaki botannaomata i bukin buakanakiia kaain Aturia, ma e bon taenikai naba Iteraera ma aaba ake i rarikina nako iroun Aturia. Ngaa ma ngaa aomata ake a uotaki nako b'a taian taenikai. E ngae ngke e aki bane raoi te abanuea ae Iuta n taenikai, ma e boni kab'aab'akaa naba te taekiti ae e buubura.E konaa ni bwenauaaki kanoan te boki aei nakon tenua te m'akoro. Te moani m'akoro (1—39), are e taekinaki iai tabun te UEA ao m'aakana ni uea i aon te aonnaba ae e b'anin. E rangi n un te UEA n taiani m'akuri aika a buakaka i aon Iuta ngkai bon te UEA ae e tabu Ngaia. A tei mangaoia mataniwi n te tautaeka, ao akea te eti ma te riai n taabo nako. E taku te UEA b'a e nang anaa Aturia ao B'aburon ni katuaaia iai kaain Iuta ao botannaomata ake i rarikiia. Ma e anga naba te Atua te kaantaninga nakoia ana Aomata i bukin boong aika na roko, ngkana a tanrikaaki nakoina ma n onimakinna b'a e na kaawakiniia ana Botannaomata.N te kauoua ni m'akoro (40—55) E taetae te UEA nakoia ana Aomata ake a tia ni katuaaeaki (40.1,2). A b'ara nanoia, ao e a manga anganiia aia kaantaninga. Ma e tangiriia te UEA b'a a na riai n ataia b'a akea m'aakan taiani bouannanti, ao bon ti ngaia te Atua ni koaua. Ngkana a manga oki Iteraera nakoina, ao e na kamaiuia mairouia kaain B'aburon ao botannaomata ake tabeua ike a tia ni kamaaeaki nako iai. A na manga okira oin abaia, ao e na kakab'aiaia mani katetekeraoia. E konaa te UEA ni karaoa te berita ae e korakora aei nakoia ana Aomata ni kabane i bukina b'a e karika te aonnaba ma n tautaekanna.N te katenua ni m'akoro (56—66) ao e berita i bukin boong aika a na roko aika a raneanea b'a e na reke irouia aika a kakaonimaki nakoina. N te m'akoro aei, a reitaki naba iai aomatan botannaomata ni kabane, tiaki ti kaain Iuta. Ti te bo taiani berita aikai ma taiani winto ake a karekea teutana taraan taai aika a na roko are e na manga karika iai te aonnaba ae e boou ae e onrake n te kukurei ao akea iai te rawaawata:“I a kariki taiani karawa aika a booute aonnaba ae e boou;A na bane ni m'anuokinakikanoan taai ake ngkoa.Bukamaruia ao kukurei n aki toki!I a karika Ierutarem ae e boou,ae e onrake irouia aomata aika a kukurei.N na bukamaruia ma Ierutaremao kaaina ni kabane;e na bon akea riki manga te tangke te nanokawaki n te kaawa ae e buubura anne.”(65.17-19)Oi n iango i aon te boki aeiKauring ao berita i bukin baika na riki (1.1—12.6)

Katuaeaia botannaomata (13.1—23.18)

Katuaean te aonnaba (24.1—27.13)

Reitan kauring ao berita i bukin baika na riki (28.1—35.10)

Uean Iuta are Etekia ma kaain Aturia (36.1—39.8)

Taekan te berita ma te kaantaninga (40.1—55.13)

Kauring ao berita riki i bukin baika na riki (56.1—66.24)