1E bootia tenibwi te ngaa tautian Iteraera aika a bane aroia Tawita ao
2e kairiia nako B'aara i Iuta, are e aranaki naba b'a Kiriata-Iearim. A na nako ikekei b'a a na ana te Atiniberita ma ni kaokia nako Ierutarem. E mena ana kaintokanuea te UEA i aon te Atiniberita aei, ao e taromauriaki ikekei.
3Ao a katokaa te Atiniberita i aon te kaa ae e boou ae e katikitikaki iroun te kaom'aane ao e waaki nako n ruo rikaaki mai aon te tabuki man ana auti Abinataba. Taani kaira te kaom'aane arei bon natin Abinataba m'aane aika Uta ao Aaio,
4e ririmoa Aaio.
5Ao iai tabeman Iteraera aika a katangitang n taian aabi aika uarereke ao b'aai ni katangitang ake tabeua ake iai karaiia, ao te raea, te timbere, katineti, ao te timbara. Ao a kukurei Tawita ma te koraki ake tekorakina, ao a taua ma nanoia n ruoia nakon te UEA.
6Ma a roko n ana tabo ni kaaki kunni uita Naakon, ao e turanako waen te kaom'aane, ma ngaia are, e kanakoa baina Utia ao e taua te Atiniberita.
7Ao e rangi ni un te UEA iroun Utia ngke e karaoa arei, ao e tiringnga Utia ngkekei naba i rarikin te Atiniberita.
8Ao e maraki nanon Tawita iroun te Atua ngke e tiringa Uta. Ao e arana te tabo anne b'a “B'akaran Uta”, ao anne arana ae teimatoa.
9Ao e maaku Tawita iroun te UEA ao e taku, “N na bon anaa te Atiniberita nakon au kaawa ke N na aki?”
10Ao e iangoia b'a e na aki uotia nako ikekei. Ma ngaia are, e a manga rairaki nako man te kawai ao e uotia nakon mwengan Obeta Etom, are kaain Kata.
11Ao e tiku te Atiniberita ikekei i nanon tenua te nam'akaina, ao E a rangi ni kakab'aia Obeta Etom, ana utu, ao b'aai ni kabane ake e b'ain.
12Ao iai ae e tuanga te uea are Tawita ni kaangai, “E karaoa aei te UEA i bukina ngkai e mena te Atiniberita ni mwengan Obeta Etom.”
Ngaia are, e kawaekoaa Tawita ni kawara mwengan Obeta Etom n anaa te Atiniberita ni kaokia nakon ana kaawa Tawita. Ao a bane ni kukurei aomata ni kabane.
13Ao a nakonako aomata onoua eutan waeia, ao i mwiina, Tawita e kareana te kaom'aane ao te kao ae e rineaki.
14E m'am'aie i bukin te UEA ma nanona ni kabane, ma akea ana kunnikai b'a ti te riinen.
15A bane aomata nako n takaarua ma ni katang taian buu ngke e tabe ni uotaki te Atiniberita.
16Ao e taratara Nei Mikara are natin Tauro te aine man te winto ao e matakuakina te Atiniberita ngke e uotaki nako nanon ana Kaawa Tawita. Ao e rangi ni b'ainrang ngke e noora Tawita ngke e kibakiba rake ni m'am'aie nakon te UEA.
17A katuka te Atiniberita i nanon ana autinrianna Tawita are e a tia ni kateia i bukina. Ao e taromauria te UEA teuare Tawita ni karean taiani man ma ni kabuoki i aon te baonikarea,
18ao i mwiina, e kakab'aiaia aomata n aran te UEA ae Moan te M'aaka.
19Ao e anganiia m'aane ma aine ni kabane ake n te koraki arei teutana te kariki, ao teutana te iriko ni man, ao te abutana te kureebe ae e m'au, ao a bane n okiri mwengaia aomata nako.
E Taetae Mikara nakon Tawita20Ao e okira mwengana Tawita b'a e aonga ni konaa ni buubutiia te UEA b'a e na kakab'aiaia ana utu. Ma e otinako Nei Mikara are natin Tauro te aine ao e a tatakarua nakoina ni kaangai, “Ko rangi ni kakannato n te bong aei! Ko karaoa aron te unim'aane ae e baareka, ni m'am'aie ni bebeekan i mataia am taan ni m'akuri aika ataeinaine.”
21E taetae Tawita ni kaangai, “E aki rinea tamam te UEA ke temanna riki man ami utu b'a e na riki b'a te tia kairiiri irouia ana aomata. E rineai te UEA, ao I bukamaruia ni karinea.
22N na kaotia nakoim te karineaki ae e na reke irou! N na bon kab'ainrangai i bon irou. Ma taan m'akuri aika ko taekiniia aikai a na bon karineai naba!
23E aki roko n te kariki Nei Mikara.
Who We AreWhat We EelieveWhat We Do
2025 by iamachristian.org,Inc All rights reserved.
