1E taku te UEA:
Ngkana kam bon tangiria
n oki nako iu, ao iangoi aroia
taian bouananti aika a ribaaki aikai.
2Kam na karaoa te berita ti n arau,
ao karaoa nanon are kam berita iai!
Ao ane a na bane iai botannaomata n neboai,
ao N na kakab'aiaia.
3Kaain Ierutarem ao Iuta
kam na aki taningabono!
A a tia n rikirake ni matoatoa nanomi,
kaanga te tano ae e tuai man kamarauaki
ike a rikirake iai taian aroka aika a kateketeke.
4Kam na kaawakina te boraraoi
are I karaoia ma ngkami
ma nanomi ni kabane.
Ma ngkana kam taningabono
ma n aki toki ni buubure,
ao e na ura uniu kaanga te ai
ae e aki konaa ni manga tiringaki.
E A Roko Te Kabuanib'aiE taku te UEA:5“Katang taiani bu au aomata.
Kauringiia kaain Iuta,
Biri n rawei maiumi!
6kakioa Ierutarem,
ke te kaawa teuana ae e nonoaki!
tuangiia b'a I karokoa te kabuanib'ai mai meang.
7E na oti nako te taanga ni buaka,
kaanga te raian mani nena.
E na tiringiia botannaomata
ma ni katikui ami kaawa ma akea kaaia
ao ni urubekebeke.”
8Ao i mwiina, I taku
nako ia Iteraera,
“Karin i aomi kunnikai aika mangaingai!
B'aeb'aeti ao taang ni kaangai,
E bon teimatoa naba n un te UEA
iroura.’ ”
9E taku te UEA,
“Ngkana a riki baikai ni kabane
ao ane a na tiaoki ma ni maaku
taiani uea ma taiani mataniwi
ao burabeti ao ibonga.”
10I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?
Te Kabuanib'ai Ae E Na Roko11E na taetae te UEA ni kaangai nako imi
12ngkami kaain Ierutarem ngkana e roko te kabuanib'ai,
“I kanakoa te angibuaka
man te rereua
te ang ae e aki raoiroi.
Ao e na iribiko nako
b'a katuaaeam i bukin am bure nako.
13Nooria! e kiba rikaaki kaanga te ikare
ana taanga ni buaka te kairiribai;
a rangi ni biri m'aaka riki
aia taan toka i aoia aoti ao aia kaanibuaka
nakon te nang ni buakan karawa
ae e ukaki n te ang.”
Ao ane ko na kaeka ni kaangai,
“Ti a mate!”
14Ma Ierutarem, e bon reke naba ami tai
ni iangoi maiumi
Teboki taiani bure mai nanomi
ao katoka babaairean iango aika a bure,
15i m'aain rokon rongorongon
te kabuanib'ai
man taian tabuki ake i Eberaim
ao te kaawa are Taan.
16-17E taku te UEA,
“Tuangiia botannaomata
b'a a tia au aomata
ni kakaitaraai.
Ngaia are e na roko te taanga ni buaka
man te tabo ae e raroa
n otab'aninia Ierutarem
ao kaawan nako Iuta.
Bon aio au taeka Ngai ae te UEA.
18“Kaain Iuta,
ane a na rootaki nanomi n te maraki,
ma bon ami kaairua
ae e kam na katuaaeaki iai.”
Miin Ieremia I bukin Rokon Te Katuua19I aki konaa n taona te maraki!
E ikeike buroou,
ao I nib'araa ao I minominotaki ni korakain nanou.
I ongo tangin te bu are te kanikina
ao karongoaan te keekee ni buaka mairouia kairiribai,
ao I a aki konaa ni kainab'aabu.
20I nooria kairiribai ngke a konaira
n te tai teuana ma teuana
ma ni katikui b'aai i mwiia n urubekebeke.
E bon uruaki naba mwengau
ni bon te tai naba anne.
21Maan ra riki au tai n noora aia buraeki kairiribai
ma n ongo tangin aia bu?
22I ongo b'anaan te UEA ngke E kaangai,
“A aki kubarai au aomata,
bon ataei ngaiia aika a nanobaba
ae a aki ataia
ae a na katuaaeaki.
Ti te b'ai ae a ataia aron karaoan te bure.”
23I mwiin te bure aei, ao I taratara nako.
Ao e wene te aonnaba n akea kanoana,
akea nooran te maiu iai.
A mauna
taai ma nam'akaina, ao taian itoi.
24A ruru taian maunga;
25akea te aomata ae e konaa n nooraki,
ao a tia ni kiba nako
taiani mannikiba ni kabane.
26A riki b'a taian rereua taabo n ununiki ngkoa,
ao a uruaki kaawa nako.
E kariki b'aai aikai ni kabane
unin te UEA ae e kakamaaku.
Maten Ierutarem27-28E taku te UEA:
I a tia ni karaoa au babaaire,
ao I aki kona ni manga bita nanou.
E na kamaunaaki te aba aei,
ma e na aki bane ni kamaunaaki.
E na onikaki karawa nakon te rootongitong,
ao e na tanginiwenei te aonnaba.
29A takaaruaea aia keeke ni buaka
aia taan toka i aoia aoti ao aia taani katebe kairiribai.
A biri nako aomata n rawei maiuia
ma ni kataia ni kakaea kamanoaia
i buakon taian aroka ao taiani b'aa.
Bon akea kaain kaawa ni kabane.
30Ierutarem, e a tia
ni kamaunaaki abam
Ma kam riki b'a kaanga ainen mataawa
ao kam kataia ni manga kaokiia ami tangira,
are a ribaingkami ngkai.
Ko konaa ni karina te kunnikai ae e uraura,
te b'ai ni katamaroa, ao karooroan te mata,
ma ai bon akea manenaia
A a oti nako am tangira b'a a na tiringko!
31I ongo te ngirangira ao te tang.
Tera, te naweai ae e ariri
ni bungia ana moan nati?
Tiaki, bon Ierutarem.
E rawea ikena
ao e buubuti buokana.
E taku, “I a mate!
Ae a tiringai.”
Who We AreWhat We EelieveWhat We Do
2025 by iamachristian.org,Inc All rights reserved.
