1Bon Itaia ngai ae natin Amota.
Ao aio te rongorongo are I anganaki i bukin Iuta ao Ierutarem ngke a uea Utia, Iotam, Aati, ao Etekia i aon Iuta: Te Botannaomata Ae E Bure
2E taku ngkoa te UEA,
“Ongora, karawa ao aonnaba!
A tia ni manga kaaitaraai
ataei ake I kaikawaia.
3A atai aia aomata ake a kakaam'arakeaki irouia
taiani kao ma taian aati,
ma a tuai man ataai au Aomata.”
4Iteraera, bon te botannaomata ngkoe ae ko buubure,
ao ko onrake n te kaairua.
Ko rangi ni buakaka, ao ko kam'araa
ao ko a tia n tannako mai roun te UEA,
ae Atuaia Iteraera ae te Atua ae tabu.
5E aera ngkai ko na katuaaeaki riki?
E aera ngkai ko aki katoka burem?
E ikoaki atuum,
ao ko a rangi ni mamaara.
6Bon akea taraan te maiu
mai taubukin atuum nako taboni waem.
A bon aoriia kunikunin rab'atam, m'akorokorona, ao manekana
n aki tararuaaki,
ke ni kabiraki n te b'a ni katokaki marakina.
Uruakin Te Aba7E a wene n uruaki abami;
a mannang ami kaawa.
E a anaaki abami man uruakaki irouia
ianena ao Iruwa
ngke kam boni matakuakiniia.
8A katobibia Ierutarem ana kairiribai,
n ti ngaia kaanga te um'atoro
i nanon te nne n aroka ni kureebe
ke i nanon te tawaana ni kukamb'a.
9E na riai n tia ni mauna nako Tion
kaanga Tootom ma Komora,
10Bon ti te bo ngkami
ma taani kairiiri irouia kaain
Tootom ma Komora!
Ma ngaia are, kam na ongora iroun te Atua:
11“Bon akea nanon
ami karea nako iu
I a aoraki n ami karea
aika taian tiibu ao taiani kao aika a rineaki;
I aki tangira raraaia
taiani kao ke taian tiibu ke taiani kooti.”
12“Antai ae butiiko b'a ko na uoti b'aai aikai ni kabane
ngkana kam roko n taromauriai?
Tai rin n au Tembora!
13Akea boonganan ami karea,
ao a rangi n ribaaki ami b'ai ni kaboiarara.
I aki konaa moan ami m'akuri aika buakaka aika kam karaoi
n ami Toa ae Moan Otin Nam'akaina
ke n ami Taabati
ao taai n taromauri ake tabeua.
14I ribai ami Toa ae Moan Otin Nam'akaina
ao ai uana naba ma ake nikirana ni kabane.
Bon taiani b'ai ni karawaawata
ao I a kua ni uouoti.
15“E aoria ngkana tao ai iraua ami tataro,
N na bon aki kan ongo.
Kam a rangi n akiako.
16Tebokingkami ni kaitiakingkami!
I a rangi n ribai
ami m'akuri aika a buakaka.
Ani katoka karaoan te kaairua.
17ao reireiningkami ni maiuakina te raoiroi.
Kakoaua raoi b'a e na karaoaki te babaaire ae e eti.
Teei i bukiia aine aika a tia ni mate buuia ao ataei aika akea aia karo
ao buokiia aika a tangira buokaia.”Ana Kakao Te UEA
18Ngai, ae te UEA, ae I kaoingkami
b'a kam na nakomai ma ni maroroakinna.
A turu urauran ami bure,
ao a na mainaina
kaanga te tinoo ke buraen te tiibu.
19Ngkana kam kukurei n ongotaeka irou,
ao a na reke n arokan abami
taiani kabanea n tamaroa ni uaa.
20Ma ngkana kam katei nako iu,
ao kam na tiringaki irouia ami kairiribai.
Bon aei au taeka Ngai ae te UEA.
Kabuakakaan Ierutarem Iroun Te UEA21Ierutarem, ti te bo ngkoe
ma te ainenum'a ae e aki kakaonimaki.
A rangi n raoiroi ngkoa am taani Motikitaeka
ao a maiuakina te raoiroi am aomata;
ngkai ko a riki b'a te kaawa ae e buubura
ae e on irouia taan tiriaomata.
22Bon te tirewa ni kakeekewe am tirewa,
ao e a ran
am wain.
23A tia taani kairiiri n katinanikuai
ao a manga riki b'a raoia koraki ake taani baabakanikawai;
ao ami taan tautaeka a iangoi reken
taiani b'aintangira ao m'akuri ni baabakanikawai.
Bon akea itin te motikitaeka nakoia
aine aika a tia ni mate buuia ao ataei aika akea aia karo.
24Bon te UEA Ngai ae Moan te M'aaka,
ae te tia tautaekana Iteraera ae e korakora,
ao I karaoa au berita nakoimi ae e kaangai:
Bon au kairiribai ngkami ngkai,
ao N na kaota uniu nakoimi
ni kaoka kaiu iroumi.
25N na katuaaingkami n ae e korakora
mani kabuoki b'aai ni kabane
aika kam riki n aki raoiroi iai
nakon taromauriau.
26Ierutarem, N na rinea
te tia motikitaeka ao te tia iango
aika ai aron ake mai m'aaina.
Arami ae e boou bon
“Te Eti ma te Kakaonimaki.”
E Na Kamaiua Ierutarem Te UEA27Ierutarem, ko na kamaiuaki
ni kaotan te eti;
A na maiu aomatan Tion
aika a okirai
ni karaoa ae e raoiroi.
28Ma a na bane ni mauna nako,
koraki aika taani kaaitaraa aika taani bure,
aika a kamangao, Ngai te UEA.
29Kam na mamaa
n te buakonikai ae e uarereke
are kam taataromauri iai taiani bouannanti.
30Kam na riki b'a kaanga te buakonikai ae e uarereke
ae e mate n te rongo.
31A na riki ami taani kairiiri
b'a kaanga kaai aika a m'auteretere
ae a kareaki aon te ai irouia aia bouannanti.
A na bon akea ae e na konaa ni buobuoki,
ngke a bane n urarake.
Who We AreWhat We EelieveWhat We Do
2025 by iamachristian.org,Inc All rights reserved.
