1Te UEA, e kukurei te king i bukina ngke Ko anganna te korakora
ao e kakatonga b'a e tokanikai i aoia aiana.
2Ko a tia n anganna te baere e tangiria nanona;
Ko a tia n anganna baike e bubutiko iai.
3Ko butim'aia ma kakab'aiana aika baika raraoi,
Ao Ko katokaa ana baunuea ae te koora i aon atuna.
4E butiko te maiu, ao Ko anganna
ae ananau ae akea tokina.
5E rangi ni karineaki te uea;
Ko a tia ni buokia b'a e na kakannato
taekana ma ni mimitong.
6Ko kakab'aiaa n taai nako,
ao e kaonaki n te kukurei
ni memenam
i rarikina.
7E onimakina te UEA
ae Moan te M'aaka te uea;
Ao e na tekateka n rau i bukina
b'a e tangiraki iroun te UEA.
8Ane a na bane n reke i rouna ana kairiribai;
A na reke i rouna aomata nako akana ribaia.
9Ngkana E kaoti te UEA ao ane na
onikia b'a te ne ni kanaiai ae ura;
Ao ane E na ongia n unna,
ao a na ura rake n te ai.
10Akea temanna irouia aia kariki ae na maiu;
E na bane ni kamateia te uea.
11Ngkana a karioi aia babaire aika bubuaka n ekianako,
Ao a na aki nako raoi.
12E na katebe nako kanoan ana kainikatebe ni kainetia,
ao ane a na rairaki ni biri nako.
13Te UEA, Ko na neboaki i bukini korakoram!
Ti na anene ni kamoamoa m'aakam.
Who We AreWhat We EelieveWhat We Do
2025 by iamachristian.org,Inc All rights reserved.
