Taeka n Rabakau 11 - Kiribati New Version Bible

Taraa te B'ai are Ko taekinna ao Karaoia

1E ribaia aomata nako te UEA

aika a b'anganikewe,

ma e tangiriia aomata

aika a b'ab'aina te koaua.

2E konaa ni uotingkami te kainikatonga

nakon te kamamaaeaki.

E raoiroi riki ngkana kam nanorinano.

3Ngkana kam karaoa te m'akuri ae e eti,

ao e na riki maiuakinan te eti b'a te tia kairiko.

Ma ngkana kam aonikai,

ao kam na m'ane

ni bon oin ami m'akuri n aonikai.

4Ngkana e un te Atua,

ao e na bon aki buokingkami te m'ane.

Te ongotaeka iroun te Atua bon ti ngaia te kawai

i bukin karekean te maiu man te mate.

5Ngkana kam bon raoiroi,

ao kam na karaoa ae e eti;

ao ngkana kam buakaka,

ao a na uruanaki aromi

ni bon oin am bure.

6E konaa ni kaawakiningkami te maiu ae e raoiroi,

ma ngkana kam aki konaa n onimakinaki,

ao kam bon kam'aneingkami i bon iroumi.

7E mate naba aia kaantaninga

aomata aika a buakaka ngkana a mate.

8E katuanakoia ana aomata te UEA

te kangaanga

ao e oroia aika a buakaka.

9A uarao aomata aika a buakaka

n uruana aroia kaain rarikiia;

a kaawakinaki aomata aika a raoiroi

n oin aia iangoraoi.

10Ngkana e kakab'aiaki te aomata ae e raoiroi,

ao e mauna nako te aomata ae e buakaka,

ao e karaoa ana baka ni kukurei te kaawa ae e b'anin.

11Ngkana e kakab'aiaia ana aomata te Atua,

ao e riki ni korakora aia kaawa.

Ma e konaa ni uruana aron te kaawa

te tia kam'ane n ana kewe.

12Bon te nanobaba taekinan b'aai aika a buakaka

i bukiia kaain rarikimi.

Ngkana kam iangoraoi,

ao kam riai n aki kakarongoa.

13E taekin b'aai ni kabane te maningongoo,

ma te rao ni koaua

e kaawakina te b'ai ae e karabaaki.

14Bon te uruaki tokin te kaawa

ae akea ana taani kairiiri aika a wanawana;

e na kaawakinaki te kaawa

ae a m'aiti ana taani kairiiri aika a wanawana.

15Bon te b'ai ae e kamaamate

ngkana kam na angab'ai

i bukin te kabomwi n ana taarau temanna.

Kam na aki karaoa anne!

16E na karineaki

te aine ae e kakukurei,

ma e na riai ni m'akuri korakora te m'aane

i bukin karekean kaub'aina.

17E kaniwanganaki te akoi

ma ngkana akea ami nanoanga,

ao kam bon kamaraiaingkami i bon iroumi.

18E uotiko te buakaka n taabo nako te tei ni baba,

ma e kaniwanganaki te raoiroi.

19Kaakaraoa n taai nako te b'ai ae e raoiroi,

ao kam na maiu;

kateimatoan karaoan te kaairua,

ao ane kam na bon mate.

20E ribaia aomata aika a uaraoia aomata UEA,

ma e tangiriia aomata nako

akana a maiuakina te raoiroi.

21Kam boni konaa ni kakoauaa aei:

A bane ni katuaaeaki aomata aika kewetaia,

ma a aki katuaaeaki ana aomata te Atua.

22Te aine ae e tikiraoi

ae karaoa ana m'akuri te nanobaba

kaanga ai aron te m'am'a te koora

i aon b'airin te beeki.

23A tangiri b'aai aika a rangi n tamaroa aomata aika a raoiroi,

ma a iaiangoa kateirakean te kakiriwe

aomata aika taan iowawa.

24Kam konaa n riki ni kaub'ai n te tai teuana

ngkana kam ataataiaomata

ke n riki ni kainano ngkana kam nanonrang.

25E na kaniwanganaki te ataataiaomata:

Aanga te m'angko n ran,

ao ane e na reke iroum

boon mwiina te m'angko n ran.

26Ane e rangi n kaboobuakaa ana uita,

e na manga karereantiaki irouia aomata:

kabooa nako n te bo ae e eti,

ao ane kam na neboaki.

27Karaoa am kabanea n raoiroi ni kakaraoa te raoiroi,

ao ane a na reke raoraomi;

ma te nakonako ni kakaaea te kiriwe,

e na bon reke iroumi.

28Ane e na nakobuaka ami bong aika a na roko;

ngkana kam onimakin kaub'aimi

ma a korakora kaanga aroka aika a marurung

ana aomata te Atua.

29Taian nanobaba aika a karika te kiriwe

n te utu

a na bon aki tiku b'aai irouia.

Bon tokiia te riki b'a tooro

iroun te aomata ae e iangoraoi.

30Maiuakina te raoiroi, ao ane kam na am'arake

man te aroka are e angaanga te maiu.

Ao ngkana kam m'akuri n aron te aomata ae e wanawana,

ao ane a na katotoongkami tabem'aang.

31Ngkana a anganaki kaniwangaia aomata aika a raoiroi

i aon te aonnaba aei,

ao a na bon katuaaeaki

aomata ni kabane aika a iowawa man teinibaba.