1E raoiroi riki te maiu ni kainano
ma te maiu ae e raoiroi
nakon te nanobaba ae e b'anganikewe.
2A aki konaa ni kaai n airi
te kani b'aib'ai ma te bangab'ai.
E na aki reke iroumi te kawai
ngkana kam rangi ni ienikuri.
3Ti bon uruaki
bon i bukin bangab'aira,
e ngae ngke ti bukina te UEA.
4A m'aiti raoraon te kaub'ai;
ao akea raoraon te kainano.
5A bon aki konaa ni biri nako ma te katuaaeaki taani kakoaua
aika a aki taekina te koaua ma taan b'anganikewe.
6A bane aomata ni kan raoraonaki
irouia aika a konaa ni buokia.
7Ngkana kam kainano,
ao ane a na katinanikuingkami akana bon am koraki,
ao a na rangi ni buakaka riki nakoim ake raraom ngkoa.
A na aki reke iroum
ngkana kam kainanoia,
8Karaoa ae e raoiroi bon nakoim
ni b'aina te iangoraoi
ao kam na kukurei iai.
9A na uruanaki aroia taan
kakoaua aika a aki karaoa ae e riai ma ni b'anganikewe.
10E bon aki riai b'a e na maiu
ni kaub'ai te aomata ae e nanobaba
ke te toro ae e tautaeka
i mwiin te uea.
11Kam wanawana ngkana kam b'aina te taotaonaki n nano
ma ni kaotia b'a aekakira ngkami
ni kab'araan aia bure tem'angina.
12E bekorara kaanga te raian
te uea ane e unun,
ma e riki b'a kaanga te aoi i aon taian uteute,
te uea ngkana e kukurei.
13e uota te kamaamaaeaki nakon tamana
te nati ae e nanobaba.
Te aine ae e meremere n taai nako
boni kaanga timtim
ni karau ae e teimatoa ni b'aka.
14Kam na b'aib'ai ni b'aai ni kabane akana kam b'ain
mairouia am karo,
ma te aine ae e iangoraoi
bon te b'aintangira mairoun te UEA.
15Kam na mate ni baki
ngkana kam taningaroti
ma ni kabanea ami tai n nimatutuu.
16Ongotaeka nakon ana reirei te UEA
ao ane kam na maiu
ngkana kam aki ongotaeka ao ane kam na mate.
17Tararuaakin te kainano
bon te angab'ai nakon te UEA,
ao ane kam na manga kabooaki raoi.
18Kaetiia natim
b'a kam kaawa n rangi n ooimwi;
ngkana kam aki katuuaia,
kam bon uruana aroia.
19A aki toki n reereke n te kangaanga
aomata aika nanorieta,
ao a aki toki
n tatangira buokaia.
20Karekea inanom taian taeka n reirei
kariaia kaetakimi,
b'a kam aonga ni konaa ni maiu ma te iangoraoi.
21Ti konaa ni karaoi ara babaaire aika a bati,
ma e na bon karaoa
are e bon baaireia te UEA.
22Te b'ai ae e rangi ni kakaawaki bon te kakaonimaki.
E raoiroi riki ngkana kam maiu ni kainano
nakon te riki b'a te tia kewe.
23E uota te maiu ni koaua
kaotakin karinean te UEA
ngkana kam karaoia, ao kam konaa ni motirawa
n aki manga maaka te kabuanib'ai.
24A rangi n taningaroti naba aomata
tabem'aang n tabeki baiia
ni karei wiia n am'arake.
25A karekei wanawanaia aomata aika a bangab'ai
man noorakin katuaeakiia tem'angina;
e reireinna arona te aomata ae e iangoraoi
ngkana e kaetaki.
26A iraea tamaia
mani kakioa nako tinaia
naati aika a kamamaaea te aba.
27Ngkana kam katoka te reirei,
ao kam na m'aninga
te b'ai ae kam a tia n ataia.
28E b'ainingarea waakin te kabowi
te tia kakoaua ae e b'anga ni kewe,
a taku n ana iango taani bure
b'a te b'ai ae raoiroi karaoan te bure.
29A bane taian nanobaba
n tataningaa katuaaeaia.
Who We AreWhat We EelieveWhat We Do
2025 by iamachristian.org,Inc All rights reserved.
