1E anganaki Moote kaetieti aikai iroun te UEA i bukiia m'aane ake natin Aaron ake ibonga: Ko riki ni kam'araa ngkana ko riinga rab'atan te aomata ae mate. Ma ngaia are, tai kaania am koraki ane e mate,
2ai moara riki ngkana tinam, tamam, natim te m'aane ke te aine, te m'aane ae tarim,
3ke tao m'anem ae e tuai iein, ae akea buuna i bukin tararuaakina.
4Tai kam'araeko n roko n taunakin temanna ae ko rekereke ma ngaia n am mare.
5Tai korea iran atuum ke tao buaim, ke tao ni korokoroiko ni kaotia ae ko nanokawaki.
6Boni Ngai te UEA ae Atuami, ao I a tia n rineiko n ti ngkoe b'a ko na anga te karea ae te am'arake nako Iu i aon te baonikarea. Anne bukina ngkae ko na riai n tabu.
7E na tai mareaki te ibonga ma te aine ae e a tia n raure ke ae e riki b'a ainen matawaan te tembora. Ko tabu,
8b'a I tabu. Ma ngaia are, a riai ni karaoaki raoi b'aai nako im n te aro ni karinerine ae riai, ngkae ko anga te karea ae te am'arake nako Iu, ngai ae Atuan te tabu.
9Ngkana iai te ibonga ae e kamaamaeaki iroun natina te aine ae e riki b'a ainen matawaan te tembora, e riai neienne ni kabuokaki ni karokoa matena.
10Ngkana te ibonga ngkoe, ao ko riai n aki katuka iran atum n aki komwiaki, ke tao n raeuai kunnikaim ni kaota nanokawakim i bukin te mate.
11Tai kam'araeko ni kaania rab'atan te mate, e aoria ngkana oin tamam ke tinam.
12Ngkana ko kitana te tabo ae e tabu nakon n ira te taunimate, ngkoe ma te tabo are e tabu kam na kam'araa, ai moara riki i bukina ngke te ibonga ae e rietaata ngkoe.
13Ngkana te ibonga are e rietaata ngkoe, ao ko riai ni mareaki ma te kibono
14man oin am botannaomata. Tai mare ma te aine ae e raure ma buuna ke ae e a tia ni m'aan mai m'aaina, ao tiaki naba ma ainen matawaan te tembora.
15N te aro aei, ao kanoam a kona n toro i Rou. Uringnga b'a bon te UEA Ngai, ao I a tia n rineiko.
16E tuangaki Moote iroun te UEA
17b'a e na kaangai nakon Aaron:
18Akea kanoam ae e na kona n riki b'a te ibonga ngkana e matakii, ngkana e m'auku, ngkana e b'aib'ainnanti ubuna, ngkana a bobuaka ab'akin waena ni kauaai,
19ke ngkana e m'auku waena ke tao baina,
20ngkana te m'aane ae e mori nuukana, ke tao e rangi n uangingi rab'atana, ao ke tao e a tia n uruaki maangena.
21A aki kona n riki m'aane aikai b'a au ibonga ao ni kabuoki karea nako Iu.
22A kona ni kang taiani karea aika am'arake aika I anganaki,
23ma a aki kona n rin n te tabo are e tabu ke ni karaoi m'akuri nako Iu i aon te baonikarea. Uringnga b'a boni Ngai te UEA are I katabuia ibonga.
24E tua aikai ni kabane Moote nakon Aaron, natina m'aane, ao Iteraera.
Who We AreWhat We EelieveWhat We Do
2025 by iamachristian.org,Inc All rights reserved.
