Ana Anene Toromon 3 - Kiribati New Version Bible

Mii Aika A TamaroaE taku Neierei:

1I aenako ni kakaaea teuare I tangiria

i aon te kainiwene n te bong

ma nanou ni koaua.

I kakaaea

ma bon akea ikekei.

2Ma ngaia are, I kakaaea i nanon te kaawa

teuare I tangiria.

I tarataraia i nanon te kawai,

ma bon akea naba ikekei.

3I bon titirakiniia naba taan tei

ake a tararua te kaawa ni kaangai,

“Kam noora teuare

I rangi n tangiria?”

4Bon i mwiin anne, ao e a reke irou.

I taumatoaia ao I aki manga kanakoa,

ao I kairiia ni karokoa ti roko

n ana auti tinau.

5Ataeinainen Ierutarem,

kam na berita nako iu ni m'aakan

te ria ma te anterobe,

b'a e na aki kauta te tangira

i m'aain tauraoina.

Te Tia Tararuaia Aoti Ao Te Bootaki Ni MareA taku Raoraona:

6Tera ae ti nooria ae e tabe n roko

man te rereua

kaanga te maabubu n nang?

Ao iriana boiararan

b'aai ni kaboiarara,

ma te muura

ao te riibano.

7Bon te uea are Toromon ae e

uotaki i aon ana kaintokanuea,

ao e katobibiaki irouia onongaun

ana tautia Iteraera aika a bane aroia.

8A toa ni kabaang n tatabemaniia.

A bane aroia n te buaka,

a rangi ni b'aati ni buaka i nanon te roo.

9E karaoaki te kaintokanuea man kain

Reb'anon.

10Taian tirewa bouana

ao te koora akuuna,

ao e rabunaki aona

n te kunnikai ae e beebo ke uraroo.

Ngkami aika ainen Ierutarem

are kam a tia n rangi n tararuaa

nanoaan te kaintokanuea.

11Nakomai ngkai noora te baunuea

ae e anganaki Toromon iroun tinana

i nanon ana bong ni mare ae e kakukurei.