Otea 7 - Kiribati New Version Bible

1ao ni kamaoa manekana.

Ma I a manga noora te bure

i nanon Iteraera ao Tamaria.

A b'anga ni kewe aomata nako:

a aiwaa taani kimoa i nanon kawain nako nuukan te kaawa.

2Bon akea temanna ae e ataia

ae I a tia n noori aia bure nako

aika a otab'aniniaki iai kaanga te ieka.

3E rangi ni kukurei

te uea ma ana mataniwi nako

n aia bure ma aia b'anganikewe.

4A bane aomata nako n tam'are nanoia

ti te bo ngaiia ma taiani kooro i nanon te ainumuum,

ae e tauraoi ni kanakoa urana.

5A koro ni manging ana mataniwi

n te bong are e katokaaki iai ana baunuea aia uea,

ao e a manga ira burababaia.

6E ura uniia kaanga te ai

ae e m'akarokaro ni kangainaa,

ao e a uraura ngke e a kaarangaina.

7Bon taian ai ngaiia

aika a tiringiia aia taan kairiiri.

Ao akea korakoraia aia uea

bon akea temanna mai buakoia ae e onimakinai.

8A tia Iteraera

n renganaki irouia ianena;

bon taiani kariki ngaiia aika a mmani

aika a b'atab'ata iteraia teuana.

9A taraa n ae a aki ataa

mamaaraia ma koreaia:

a mainaina iraia,

ngkai a tautaeka ianena.

10Bon te UEA Ngai ae Atuaia,

ma a aki konaa n rairaki nako iu

n aia kangaanga ni kabane

i bukin aia kainikatonga.

Akea Te Buoka Mairouia Botannaomata Aika IanenaE taku te UEA:

11Iteraera bon te mannikiba ae akea ana namakin,

e kibakiba ni kawaekoa

i marenan Aikubita ao Aturia.

12Ma N na raweia n te karaun

kaanga te tia raweman ae e kam'aneia taiani mannikiba;

I taekinna b'a N na katuaaia,

ao N na bon karaoia.

13Kaniwangaia

ngkai a katinanikuai

bon ti te kangaanga ma te urub'ai.

N na bon kamaiuia ngkoa

ma I aki i bukina ngke a taekina te kewe nako iu.

14A bon aki naba tataro nako iu;

a ti tang ni korakai i aon aia kainiwene.

A ribaai i bukin B'aara

ao a korobiti rab'ataia i bon irouia,

ma te kaantaninga b'a B'aara

e na kakab'aia arokaia.

15I reireiniia b'aai aika a atai,

ao I kakorakoraia.

Ao ngkai a manga iangoa kam'aneau

16ao a rawa n ongotaeka irou,

Akea riki bonganaia nakon

te kanoanikatebe ae e b'aoua.

A na mate aia tia kairiiri n te buaka

i bukin taekinan b'aai aika a nanobaba.

A na ngareakinaki irouia kaain Aikubita.