1Ma ngaia aei, taari aika kam itiaki, aika raou ni weteaki mai karawa, kam na iangoa te Tia Tuatua are Iesu, are Mataniwiia ibonga n te onimaki ae ti tataekinna.
2E kakaonimaki nakon Teuare rineaki i Rouna b'a E na karaoa ana m'akuri, n ai aroni Moote ngke e kakaonimaki nakon ana m'akuri i bukiia ana aomata te Atua.
3B'a E atongaki Teuaei b'a e riai ni m'aiti riki neboakina nakon neboakini Moote, n ai aron te tia kateitei ae e riai ni m'aiti riki karineana nakoni karinean te auti are e kateia.
4B'a auti n tatabeua nako a kateaki iroun temanna ma temanna; ma ane E karaoi kateitei ni kabane bon te Atua.
5E kakaonimaki Moote n ana m'akuri i bukiia ana aomata te Atua ngkai te toro ngaia, ao n arona aei e a kaoti iai baika a na atongaki rimwi iroun te Atua.
6Ma Kristo E kakaonimaki b'a te Nati Ngaia ae iai tabena i bukiia ana aomata te Atua. Bon ana aomata ngaira ngkana ti teimatoa ni karokoa te toki ni b'aina te aki nanokokoraki ma te kakatonga n te baere ti kaantaningaia.
Te Motirawa i bukiia Ana Aomata te Atua7Ma ngaia aei, n ai aron ana taeka te Tamnei are Raoiroi, ae kangai:
“Ngkana kam ongo b'anaan te Atua n te bong aei,
8ao kam na tai kamatoatoai nanomi,
n ai aroia te koraki ngkoa
ake a rawa ni kani kairaki n tain te kataaki n te rereua.
9Ike a kariria iai te Atua ami bakatibu ni kataia,
ao a nori naba ana m'akuri angaun te ririki.
10Ma ngaia are E un te Atua nakon te roro arei, Ao E kangai,
‘A aki toki ni bubure i nanoia;
ao a aki atai arou nako.’
11Ma ngaia are I taetae n tuea iai ngke I un:
‘B'a a na aki rin i nanon au motirawa!’ ”
12Kam na tarataraingkami, taari, b'a e na aki mena iroun temanna i buakomi, te nano ae buakaka ae aki onimaki, ae te kani kitana te Atua ae maiu.
13Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.
14B'a ti riki b'a raao ngaira ma Kristo ngkana ti taua ni kamatoa ni karokoa te toki te aki nanokokoraki are reke i roura ngke ti moa n onimaki.
15B'a e kangai te B'aib'ara:
“Ngkana kam ongo b'anaan te Atua n te bong aei,
ao kam na tai kamatoatoai nanomi,
n ai aroia te koraki ake a rawa ngkoa ni kani kairaki.”
16B'a antai te koraki ake a ongo ao a rawa ni kani kairaki? Tiaki aomata ni kabaneia ake a oti nako mai Aikubita irouni Moote?
17Ao antai ake E un te Atua i rouia angaun te ririki. Tiaki ake a bure, ake a b'aka ni mate n te rereua?
18Ao antai ake E taetae n tuea nako ia b'a a na aki rin i nanon ana motirawa? Tiaki ake a aki ongeaba?
19Ao ti a ataia iai b'a a aki kona n rin i bukin aia aki onimaki.
Who We AreWhat We EelieveWhat We Do
2025 by iamachristian.org,Inc All rights reserved.
